Jyl basynan beri destrýktivtik dini aǵymdardyń qyzmetinen zardap shekken 1134 adam ońaltyldy, dep habarlaidy QR Din isteri jáne azamattyq qoǵam ministrliginiń baspasóz qyzmeti.
«Bul radikaldy jáne destrýktivtik dini aǵymdardan zardap shekkenderge kómek kórsetý ortalyqtarynyń belsendi jumysy nátijesinde oryndaldy. 2017 jyldyń birinshi jartyjyldyǵynda el aýmaǵynda 5 myńna astam is-shara ótkizilip, 6 630 adam qamtyldy.
Ekstremizm men terrorizmge qarsy is-qimyl jónindegi memlekettik baǵdarlama aiasynda bilikti teolog, dintanýshy, psiholog jáne dini berlestikter men úkimetik emes uiymdar ókilderiniń qatysýymen júrgizilgen jumys osyndai nátijelerge qol jetkizýge múmkindik berdi», - delingen habarlamada.
Qazaqstanda ońaltý jumystaryna Astana, Almaty qalalarynyń jáne oblystardyń Din isteri basqarmalary men ońaltý ortalyqtary jumyldyrylǵan. Atap aitqanda, barlyq óńirlerde Dini problemalardy zertteý ortalyqtary, «Nasihat» konsýltatsiialyq-ońaltý ortalyǵy» (Kókshetaý q.), QMDB janyndaǵy O. Esenuly atyndaǵy oqý-ońaltý ortalyǵy, «Nurly bilim» QB (Qaraǵandy q.), «Ańsar» aqparattyq-taldaý ortalyǵy» (Aqtóbe q.), «Shapaǵat» destrýktivtik dini aǵymdardan zardap shekkender kómek kórsetý (Atyraý q.) ortalyqtary jumys jasaidy.
Atalǵan ońaltý ortalyqtarynyń qyzmeti ekstremisttik sipattaǵy destrýktivtik dini aǵymdardyń yqpalynan zardap shekkenderdi ońaltý jáne beiimdeý arqyly halyqtyń radikaldaný deńgeiin tómendetýge baǵyttalǵan.
Sondai-aq, aqparattyq túsindirý jáne ońaltý jumystary qylmystyq-atqarý júiesi mekemelerinde de júrgizilýde. Óńirlik Din isteri basqamalarymen birinshi jartyjyldyqta 3 888 kezdesý uiymdastyryp, oǵan 18 myńnan astam adam qamtylǵan. Onyń qorytyndysy boiynsha 264 adam ózderiniń destrýktivtik dini kózqarastarynan bas tartty.
Eske sala keteiik, QR Din isteri jáne azamattyq qoǵam ministrligi ýákiletti jáne jergilikti atqarýshy organdarmen birlesip radikaldy jáne destrýktivtik dini ideologiianyń yqpalyna túsken tulǵalarǵa teologiialyq jáne psihologiialyq ońaltý jumystaryn uiymdastyrý boiynsha keshendi sharalar qabyldaýda.
