QR AShM Agrarlyq azyq-túlik naryqtary jáne aýyl sharýashylyǵy ónimin qaita óńdeý departamentiniń direktory Nazgúl Hatepova ýaqytsha toqtap qalǵan diirmenderge qatysty pikir bildirdi, dep habarlaidy QazAqparat.
«Qazaqstanda 240-qa jýyq un tartatyn kásiporyn bar. Sonyń ishinde 170-si jumys istep tur. Jalpy, ishki naryqta Resei bidaiyn tutynyp, óńdep júrgen diirmender negizinen shekaralas aimaqtarda ornalasqan, atap aitqanda, SQO, BQO, Pavlodar oblysyndaǵy diirmender. Munyń da óz sebepteri bar. Ishki naryqta soltústikten batysqa bidai tasymaldaý shyǵyndarynyń nemese Reseiden ákelý shyǵyndarynyń arasyndaǵy aiyrmashylyq óte úlken. Atalǵan óńirlerde shamamen 45-50 jýyq un tartatyn kásiporyn bar. Solardyń jartysyna jýyǵy reseilik ónimmen jumys istedi. Qazirgi kezde Reseide qoiylǵan qoiylǵan shekteýge bailanysty un tartý kásiporyndary ishki naryqtan bidai satyp alýǵa májbúr bolyp otyr», - dedi spiker Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, diirmender jumysy aldaǵy ýaqytta toqtap qalmaidy.
«Ótinim bergen jaǵdaida, Azyq-túlik kelisimshart korporatsiiasy arzandatylǵan bidaidy óńirlerge aparyp, tartyp, jekelegen oblysqa qajetti kólemde un óndirýge qaýqarly. Munda baǵadan basqa kedergi joq. Bizdiń diirmender transporttyq jáne logistikalyq negizdemeler boiynsha ǵana Reseidiń bidaiyn osy kezge deiin tartyp otyrdy», - dedi N. Hatepova.
Buǵan deiin Astyq óńdeýshiler odaǵy elimizde bir jarym aptaǵa ǵana jeterlik bidai qory qalǵanyn málimdegen edi. Astyq ósirýshiler men óńdeýshiler bidaidy bólise almai daý týǵany, bidai taýsylsa barlyq diirmender jumysyn toqtatýǵa májbúr ekeni aitylǵan edi.
Óz kezeginde Aidarbek Saparov elde eshqandai astyq tapshylyǵy joq ekenin málimdedi. 1 sáýirdegi jaǵdai boiynsha respýblikada 6,4 mln tonna astyq bolǵan.
7 sáýirdegi jaǵdai boiynsha eldegi un qory 118 myń tonnaǵa jetedi, onyń ishinde: turaqtandyrý qorlarynda - 10,4 myń tonna, «ainalym shemasy» aiasynda – 22 myń tonna, óndirýshilerde – 48,6 myń tonna, qoimalarda – shamamen 20 myń tonna jáne saýda obektilerinde – 18 myń tonna bar. Atalǵan kólem ishki qajettilikti qamtamasyz etýge tolyq jetkilikti.
