2030 jylǵa deiingi quqyqtyq saiasat tujyrymdamasynyń jobasy ázirlendi. Bul týraly halyqqa onlain rejimde esep berý kezdesýinde Ádilet ministri Marat Beketaev aitty, dep habarlaidy "Ult aqparat".
«Normashyǵarmashylyqty jetildirý boiynsha sharalar qabyldandy. Tiisti Zańǵa biylǵy 12 naýryzda qol qoiyldy. Zań shyǵarý protsesine jańa kezeńderdi engizý, zań jobalarynyń sapasyn qamtamasyz etý jáne zań shyǵarý protsesine jurtshylyqty keńinen tartý kózdeledi», - dedi M. Beketaev.
Onyń aitýynsha, ulttyq zańnamanyń negizgi salalaryn jetildirý aiasynda ministrlik memlekettik organdar jáne otandyq ǵalymdarmen birlesip 2030 jylǵa deiingi quqyqtyq saiasat tujyrymdamasynyń jobasy ázirledi.
«Tujyrymdama – Memlekettik josparlaý júiesiniń qujaty. Ol ulttyq quqyqty, quqyq qorǵaý jáne sot júiesin, syrtqy saiasi jáne syrtqy ekonomikalyq qyzmetti, sondai-aq quqyqtyq bilim men quqyqtyq nasihatty damytýdyń basym baǵyttaryn aiqyndaidy.
Quqyqtyq júieni jetildirý jónindegi osy sharalar Qazaqstannyń odan ári ornyqty damýynyń qajetti quqyqtyq alǵysharttaryn qalaidy dep paiymdaimyz», - dedi ministr.
