2025 jylǵa deiin Qazaqstanda 19 sý elektr stansasy salynady. QR Energetika ministri Bolat Aqsholaqov Májilis depýtattarynyń saýalyna joldaǵan jaýabynda osyndai málimet keltirdi, dep habarlaidy QazAqparat.
«Qazirgi ýaqytta respýblikada belgilengen qýaty 2065 MVt bolatyn 136 jańartylatyn energiia kóziniń obektisi jumys isteidi. Onyń ishinde qýaty 684 MVt bolatyn 40 jel elektr nysany, 1093 MVt elektr óndiretin 51 kún elektr nysany, jiyntyq qýaty 280 MVt bolatyn 40 sý elektr nysany, 8 MVt energiia óndiretin 5 bioelektrostantsiia bar. 2021 jyly jalpy qýaty 393 MVt bolatyn 19 nysan paidalanýǵa berildi. 2022 jylǵy 1 toqsannyń qorytyndysy boiynsha jańartylatyn energetika obektileri óndirgen elektr qýatynyń kólemi - 933,07 mln kVt/s», - dep jazylǵan jaýapta.
Bolat Aqsholaqov joldaǵan jaýapqa qaraǵanda, 2025 jylǵa deiin qýaty 1074 MVt bolatyn 53 jańartylatyn energiia kóziniń jobasyn paidalanýǵa berý josparlanǵan. Onyń ishinde qýaty 129,77 MVt bolatyn 19 sý elektr stantsiiasyn, 812,39 MVt qýat ónidertin 23 jel elektr stantsiiasyn, 116,95 MVt energiia shyǵaratyn 7 kún elektr stantsiiasyn, 15,35 MVt energiia beretin 4 bioelektr stantsiiasyn salý kózdelgen.
«Atalǵan jobalardy iske asyrý sheńberinde shamamen 600 mlrd teńge investitsiia tartylady. Sonyń arqasynda qosymsha 3,5 mlrd kVt/saǵ jasyl energiia óndirip, 6 000 ýaqytsha jáne 600 turaqty jumys oryndaryn qurýǵa bolady. Biyl jalpy qýaty 290,6 MVt bolatyn jańartylatyn energiia kóziniń 10 obektisin iske asyrý josparlanyp otyr», - dep jazady ministr.
QR Indýstriia jáne infraqurylymdyq damý ministrliginiń málimeti boiynsha, keiingi bes jylda elektr energiiasyn tutyný kólemi 27 paiyz artqan. Sondai-aq, Dúniejúzilik bank Qazaqstannyń energiia júiesine aýdit júrgizýge grant bóldi.
