Foto: Itar-tass
Úkimet otyrysynda Sý resýrstary ministri Nurjan Nurjigitov 2024 jyldyń sońyna deiin Qazaqstanda sý tasqynyn boljaý men modeldeýdiń aqparattyq júiesi iske qosylatyny aitty.
Flood.garysh dep atalatyn júie arqyly kartadan qaýipti aimaqtardy kórýge bolady. Nurjan Nurjigitov atalmysh júieniń Tsifrlyq damý ministrligimen birlese otyryp jasalǵanyn atap ótti. Flood.garysh aqparattyq júiesi osy jyldyń tórtinshi toqsanynda iske qosylmaq.
Sý resýrstary ministriniń aitýynsha, aqparattyq júie strategiialyq sheshimder qabyldaý úshin tiisti boljamdardy modeldeýge múmkindik beredi. Osylaisha quzyrly organdardyń boljamdaryna sáikes keletin sý tasqyny bolýy yqtimal qaýipti aimaqtardy kartada beineleýge bolady.
"Aqparattyq júieniń kómegimen sý deńgeiiniń boljamdy biiktigin, sý basý aimaǵynyń shekarasyn jáne sý basý tereńdigin boljaýǵa bolady. Modeldeý nátijeleri Flood.gharysh.kz aqparattyq júiesine júktelip, quzyrly memlekettik organdar men Tótenshe jaǵdailar ministrliginiń Daǵdarysty basqarý ortalyǵyna qoljetimdi bolmaq. Flood.gharysh.kz biyl 1 jeltoqsanda testilik rejimde iske qosylady dep josparlanýda", – dedi Jańa tsifrlyq damý ministri Jaslan Mádiev.
Buǵan deiin Qazaqstanda tabiǵi apattardan saqtandyrý qory qurylatyny týraly jazǵan edik.
