Premer-Ministr Baqytjan Saǵyntaevtyń tóraǵalyǵymen ótken QR Úkimeti otyrysynda «Barshaǵa arnalǵan tegin kásiptik-tehnikalyq bilim berý» jobasyn iske asyrý barysy qaraldy. Atqarylǵan jumys týraly bilim jáne ǵylym ministri Erlan Saǵadiev pen eńbek jáne halyqty áleýmettik qorǵaý ministri Tamara Dýisenova baiandama jasady.
«Barshaǵa arnalǵan tegin kásiptik-tehnikalyq bilim berý» jobasyn iske asyrý 2017 jyldan bastaldy. Barlyǵy 817 kolledj jumys isteidi, olardyń 473 kolledji memlekettik, 344-i — jekemenshik. Sondai-aq, Bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasy sheńberinde jergilikti biýdjet esebinen 2900 oryndyq tórt kolledjdiń qurylysy, 520 oryndyq úsh jataqhanany salý jáne jóndeý qarastyrylǵan.
TjKB oqý oryndaryna memlekettik bilim berý tapsyrysy boiynsha barlyǵy 100 815 adam qabyldandy. Ótken oqý jylymen salystyrǵanda TjKB-men kadrlar daiarlaýǵa arnalǵan memlekettik bilim berý tapsyrysynyń kólemi - 24,8 myń orynǵa ulǵaidy.
Baǵdarlama sheńberinde oqytý qysqa merzimdi kýrstar boiynsha júzege asyrylady. 2017 jylǵa 71 myń adamdy oqytý josparlanǵan. Búgingi tańda qysqa merzimdi oqytýǵa 61 myń adam jiberildi.
Aǵymdaǵy jyly bilim berý mazmunyna ózgerister engizildi. Ol úshin túlekterge úsh jumysshy biliktiligine deiin jáne «orta býyn mamany» biliktiligin alýǵa múmkindik beretin 130 úlgilik oqý jospary men baǵdarlamasy qaita qaraldy.
Oqý josparlarynda qaitalanatyn pánderdi alyp tastaý, oqytý merzimderin qysqartý, jumys berýshilerdiń talaptaryna sáikes bilim baǵdarlamalary 50%-ǵa deiin ózgertý esebinen oqý protsesi ońtailandyryldy. Aǵymdaǵy jyldyń sońyna deiin taǵy 32 úlgilik oqý jospary men baǵdarlamasynyń jańartylýy aiaqtalady.
Qazirgi tańda 125 TjKB oqý ornynyń oqý protsesine álemdik ozyq tájiribe negizinde ázirlengen 45 modýldik bilim berý baǵdarlamasy engizildi. Aǵymdaǵy jyly jumys berýshilerdiń usynystary negizinde Tehnikalyq jáne kásiptik bilim berý mamandyqtary men kásipteriniń jikteýishi qaita qaraldy.
Budan ózge, TjKB pedagogikalyq kadrlardyń biliktiligin arttyrý boiynsha modýldik baǵdarlamalar ázirlendi. 2017 jyly osy baǵdarlamalar boiynsha 5 200 adam, onyń ishinde 300 kolledj basshysy biliktiligin arttyrdy.
Jalpy, 2021 jylǵa deiin TjKB tegin biliktiligin 720 myńnan astam azamat alady.
Eńbek jáne halyqty áleýmettik qorǵaý ministri Tamara Dýisenovanyń málimetine sáikes Ónimdi jumyspen qamtý jáne jappai kásipkerliktiń 2017-2021 jyldarǵa arnalǵan baǵdarlamasy aiasynda respýblikalyq biýdjet esebinen tehnikalyq jáne kásiptik bilimi bar kadrlardy daiarlaý jáne qysqamerzimdi kásiptik bilim berý qarastyrylǵan. Baǵdarlamaǵa qatysýshylar stipendiiamen, bir rettik ystyq taǵammen, jolaqymen qamtamasyz etiledi.
Óńirlerde 402 kolledjde qysqamerzimdi oqytýmen 60 myńnan astam adam qamtylǵan. Búgingi tańda oqytýǵa 21 myńnan astam adam ie boldy. Budan ózge, tamyzdan bastap jumys berýshilerdiń oqý ortalyqtary bazasynda úsh myńnan astam adam oqyp jatyr.
Mobildi oqý ortalyqtary birqatar oblystarda satyp alynǵan. Onda bes pilottyq óńirde bir jarym myń adam qamtylǵan. «Bastaý-Biznes» jobasy boiynsha 15 myńnan astam adam oqytýmen qamtylǵan. Aǵymdaǵy jyly 26 myń jospar kezinde qysqamerzimdi kýrstarda 61 myń adam oqydy.
«Jalpy 2021 jylǵa deiin baǵdarlama boiynsha 500 myń adamdy oqytý kózdelgen», — dep atap ótti T. Dúisenova.
Atalǵan másele boiynsha sondai-aq Jambyl oblysynyń ákimi K. Kókirekbaevtiń, Shyǵys Qazaqstan oblysynyń ákimi D. Ahmetovtiń, Qostanai oblysy ákimi A. Muhambetovtyń esepteri tyńdaldy.
Máseleni qaraý qorytyndysy boiynsha Baqytjan Saǵyntaev tegin TjKB jobasyn iske asyrý kezindegi basty másele — jumyspen qamtý ekenin aitty. Ekinshisi — bólinetin kreditter somasyn arttyrý. Jobany iske asyrýdy baqylaý Premer-Ministrdiń orynbasary Erbolat Dosaevqa júkteldi.
«Jalpy 2021 jylǵa deiin baǵdarlama boiynsha 500 myń adamdy oqytý kózdelgen», — dep atap ótti T. Dúisenova.Atalǵan másele boiynsha sondai-aq Jambyl oblysynyń ákimi K. Kókirekbaevtiń, Shyǵys Qazaqstan oblysynyń ákimi D. Ahmetovtiń, Qostanai oblysy ákimi A. Muhambetovtyń esepteri tyńdaldy.Máseleni qaraý qorytyndysy boiynsha Baqytjan Saǵyntaev tegin TjKB jobasyn iske asyrý kezindegi basty másele — jumyspen qamtý ekenin aitty. Ekinshisi — bólinetin kreditter somasyn arttyrý. Jobany iske asyrýdy baqylaý Premer-Ministrdiń orynbasary Erbolat Dosaevqa júkteldi.
Barlyq quqyǵy qorǵalǵan.primeminister.kz materialdaryn jeke maqsattan basqa, kez kelgen jaǵdaida paidalaný kezinde primeminister.kz veb-saityna gipersilteme jasaý mindetti.primeminister.kz materialdaryn paidalaný kezinde:– basylym betterinde nemese qaǵaz, taspa jáne t.b. sekildi material tasyǵyshtardyń ózge de túrlerinde paidalanýshy ár kez materialdardyń www.primeminister.kz veb-saitynan alynǵanyn kórsetip otyrýy mindetti.– Internette nemese elektrondy túrde paidalanýdyń ózge de túrlerinde paidalanýshy ár kez «www.primeminister.kz» veb-saitynyń basty betine gipersilteme berýge mindetti.
