QR Bilim jáne ǵylym ministri Erlan Saǵadievtiń Qaraǵandy oblysynyń ǵylymi jáne pedagogikalyq sala ókilderimen kezdesýi kezinde «nólinshi» synyp qai jyly engiziletinin naqtylap aitty. Bul týraly atalǵan vedomstvonyń taratqan málimetinen belgili boldy, dep habarlaidy QazAqparat.
«Nólinshi» synypty 2019 jyly emes, 2020 jyly engizýdi josparlap otyrmyz. «Nólinshi» synyp - bul negizinen mektepaldy daiyndyqtyń qazirgi júiesi. Onyń máni - mektepaldy daiyndyq synybynyń balalaryna arnalǵan biryńǵai baǵdarlama qurý. Atalǵan daiyndyqtan balabaqshada jáne mektepte de ótýge bolady», - dedi Erlan Saǵadiev.
Onyń aitýynsha, mektepaldy daiyndyqpen qazaqstandyq balalardyń 80 paiyzy qamtylǵan. Ministrlik bul kórsetkishti 100 paiyzǵa jetkizýdi kózdep otyr. Barlyq mektep jasyna deiingi balalar 1 synypqa barar aldynda bir deńgeidegi daiyndyqta bolýy mańyzdy.
