Úkimet basshysy Álihan Smaiylov zapastaǵy ofitserlerdi áskeri qyzmetke shaqyrý týraly qaýlyǵa qol qoidy, dep habarlaidy QazAqparat.
Qujat QR Premer-Ministriniń resmi aqparat resýrsynda jariialanǵan.
Qaýlyǵa sáikes ofitserler quramynyń laýazymdarynda áskeri qyzmet ótkerý úshin áskeri qyzmetke jaramdy jáne ony ótkermegen zapastaǵy ofitserler zańnamada belgilengen tártippen 2022 jyly eki jyl merzimge shaqyrylady.
Qaýlyǵa jalǵanǵan qosymshada kórsetilgendei, áskeri qyzmetke shaqyrylatyn zapastaǵy ofitserler sany: Qarýly Kúshterge - 150, Ulttyq qaýipsizdik komitetiniń shekara qyzmetine - 40.
Qaýly 2012 jylǵy 16 aqpandaǵy QR «Áskeri qyzmet jáne áskeri qyzmetshilerdiń mártebesi týraly» Zańynyń 32-babyna sáikes qabyldanǵan.
Alǵashqy resmi jariialanǵan kúnnen keiin kúntizbelik on kún ótken soń qoldanysqa engiziledi.
