Qazaqstanda 20 myń meditsina qyzmetkeri COVID-19 indetine testten ótti. Bul týraly QR Aqparat jáne qoǵamdyq damý ministri Dáýren Abaev málim etti, dep habarlaidy "Ult aqparat".
«Búgin Tótenshe jaǵdai rejimin qamtamasyz etý jónindegi memlekettik komissiianyń otyrysy ótti. Kún tártibindegi másele – Prezidenttiń tapsyrmalaryn oryndaý. Basty mindetterdiń biri – test arqyly anyqtaý jumystarynyń kólemin arttyrý. Osy rette aita keterligi, sáýir aiynda anyqtalǵan indet jaǵdailarynyń 67 paiyzy simptomsyz bolǵan. Bul aldyn alý diagnostikasynyń arqasynda anyqtaldy», - dedi Dáýren Abaev «Habar 24» arnasyndaǵy onlain baspasóz máslihatynda.
Ministr álemdik tájiribe kórsetkendei meditsina qyzmetkerlerin test arqyly tekserip otyrý óte mańyzdy ekenin atap ótti.
«Sol úshin elimizde 20 myńnan asa meditsina qyzmetkeri test arqyly tekserildi», - dedi ol.
