Sýret: ashyq derekkóz
Qazaqstanda 20 maýsymnan bastap veipterge (elektrondyq shylymdar) jáne shekpeitin temeki ónimderine tyiym salynady. Qylmystyq kodekske osyǵan bailanysty jańa 301-1 bap engizildi, ol boiynsha:
1. Satý jáne taratý:
- Tútinsiz temeki ónimderin, veipterdi, hosh iistendirgishter men suiyqtyqtardy satý jáne taratýǵa tyiym salynady.
- Bul áreket úshin 200 AEK-ke deiin aiyppul (2024 jyly 738 400 teńge), túzeý jumystary nemese 200 saǵatqa deiingi qoǵamdyq jumystar, ne 50 táýlikke deiingi qamaýǵa alý jazasy qarastyrylǵan.
2. Ákelý jáne óndirý:
- Tútinsiz temeki ónimderin, veipterdi, hosh iistendirgishter men suiyqtyqtardy ákelý jáne óndirýge tyiym salynady.
- Bul áreket úshin 2000 AEK-ke deiin aiyppul (2024 jyly 7 384 000 teńge), túzeý jumystary nemese 600 saǵatqa deiingi qoǵamdyq jumystar, ne bas bostandyǵyn shekteý jazasy taǵaiyndalady.
- Sonymen qatar, 2 jylǵa deiin bas bostandyǵynan aiyrý jáne múlkin tárkileý múmkin.
3. Asa iri mólsherdegi qylmystar:
- Eger bul áreketter qylmystyq toppen jasalsa nemese asa iri mólsherde tabys tabylǵan bolsa, ári birneshe ret jasalsa:
- 5000 AEK (2024 jyly 18 460 000 teńge) mólsherinde aiyppul,
- Túzeý jumystary nemese 1200 saǵatqa deiingi qoǵamdyq jumystar,
- 5 jylǵa deiingi bas bostandyǵyn shekteý nemese bas bostandyǵynan aiyrý jazasy taǵaiyndalýy múmkin.
4. Jarnamaǵa tyiym:
- Tútinsiz temeki ónimderin jarnamalaýǵa da tyiym salynady.
Bul zańnyń engizilýi - veipter men tútinsiz temeki ónimderiniń densaýlyqqa ziianyn azaitý maqsatynda qabyldanǵan qatań sharalardyń biri.
