2021 jylǵy 1 shildedegi jaǵdai boiynsha 15 796 sheteldik azamat jergilikti atqarýshy organdardyń ruqsaty boiynsha Qazaqstan Respýblikasynyń aýmaǵynda eńbek etip jatyr, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
Sheteldik jumys kúshin (ShJK) tartýǵa berilgen ruqsattardyń ishinde mynadai sanattar bar: birinshi sanat – 651 (basshylar jáne olardyń orynbasarlary), ekinshi sanat – 3 281 (qurylymdyq bólimshelerdiń basshylary). Tartylǵan ShJK-niń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tiisinshe 7 600 adam jáne 410 adam. Sondai-aq maýsymdyq jumystarǵa – 1 939 adam, al korporativtik aýystyrý sheńberinde – 1915 adam tartylǵan.
Qazirgi ýaqytta Qazaqstanda ShJK paidalanatyn 1 793 jumys berýshi bar. Olarda shamamen 484 myń Qazaqstan azamaty jumys isteidi, bul jalpy jumysshylar sanynyń 97%-yn quraidy.
Eńbekshi migranttar shyǵatyn negizgi elder kelesi: Qytai – 3 782 adam, Ózbekstan – 1 953 adam, Túrkiia – 1 633 adam, Úndistan – 1 051 adam, Vengriia – 992 adam, Ulybritaniia – 959 adam.
Esterińizge sala keteiik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý ministrligi jyl saiyn elimizge sheteldik mamandardy tartýǵa arnalǵan kvota belgileidi. 2021 jyly kvota mólsheri jumys kúshine shaqqanda 0,31%-dy nemese 29,3 myń birlikti qurady.
