Foto: © Pixabay / Jack Sellaire
Respýblikadaǵy 1 395 aýyldy 2025 jyldyń sońyna deiin aýyz sýmen qamtý josparlanyp otyr. Bul týraly indýstriia jáne infraqurylymdyq damý ministri Marat Qarabaev málimdedi, dep habarlaidy Sputnik Qazaqstan.
"Búgingi tańda 6 295 aýyldyń 4 900-i aýyz sýmen qamtamasyz etilgen. 1 395 aýyldyń aýyz sý máselesin 2025 jyldyń sońyna deiin sheshý josparlanyp otyr", - dedi ministr úkimet otyrysynda.
Qarabaevtyń aitýynsha, qalǵan aýyldardyń 69%-i, iaǵni 963-i halqy az eldi mekenderge jatady. Olarǵa biýdjet qarajatyn tiimdi paidalaný maqsatynda jergilikti biýdjet esebinen keshendi blok modýlder ornatylady. Indýstriia ministrligi arqyly 391 aýylda (onyń ishinde biyl 120 aýylda iske qosylady) ortalyqtandyrylǵan sýmen jabdyqtaý qurylysy qamtamasyz etiledi.
Al 41 aýylda (SQO-35, Aqmola, Qyzylorda-3) kentishilik jeliler Ekologiia jáne tabiǵi resýrstar ministrligi arqyly toptyq sý qubyrlaryn salý jónindegi jobalardy iske asyrý aiasynda salynady. Osy oraida ministr ortalyqtandyrylǵan sýmen jabdyqtaý qurylysy josparlanyp otyrǵan aýyldarda jobalaý-smetalyq qujattamany ázirleý jumysyna toqtaldy.
Onyń aitýynsha, búginde jobalyq-smetalyq qujattamany ázirleýdi talap etetin 126 aýyldyń tek 59-y boiynsha jumystar júrgizilýde. Qalǵan 67 aýyl boiynsha jumys áli bastalmaǵan.
"Jergilikti atqarýshy organdar osy baǵyttaǵy jumysty jandandyrýǵa tiis. Sonymen qatar, izdeý-barlaý jumystaryn júrgizýdi jedeldetý qajet. 20 aýylda bul jumys júrgizilýde, al Qaraǵandy oblysynyń 2 aýylynda (Jarly aýyly, Jańaaýyl aýyly) qazir tek jobalyq-smetalyq qujattamany ázirleýge konkýrstyq qujattama daiyndalýda. Ózińiz biletindei, bul jumystar orta eseppen eki jylǵa sozylady. Atalǵan is-sharalardy ýaqtyly júrgizbeý, tapsyrmany iske asyrý merzimderiniń buzylýyna ákep soǵady", - dep málimdedi Qarabaev.
