QR Ishki ister ministriniń orynbasary Iýrii Ilin el aýmaqtaryn qardan tazartý jumystary jóninde aityp berdi, dep habarlaidy "Ult aqparat"
«Qazirgi ýaqytta barlyq óńirlerdiń ákimdikteri qar shyǵarý jumystarymen ainalysýda. Osylaisha, oblys ortalyqtary men aýdandardan 11,5 millionnan astam tekshe metr qar shyǵaryldy. Biraq, qys mezgili qaitar emes. Túngi ýaqytta birneshe joldy jabýǵa týra keldi. Qostanai, Aqmola jáne Pavlodar oblystarynda qutqarý jumystaryn júrgizdik», - dedi Iu. Ilin Ortalyq kommýnikatsiialar qyzmetinde ótken brifingte.
Onyń aitýynsha, erteńnen bastap, kúndizgi aýa temperatýrasy kóteriledi.
«Apta sońyna deiin kúndizgi aýa temperatýrasy 5 gradýsqa deiin kóteriledi. Túngi ýaqyttaǵy minýstyq temperatýralar qardyń tutas erip ketpeýine septigin tigizýde. Jalpy IIM bólimsheleri kez kelgen jaǵdaiǵa daiyn. «Kóktem-2020» respýblikalyq komandalyq-shtabtyq oqý-jattyǵýda azamattyq qorǵaý organdarynyń is-qimyldary pysyqtaldy,», - dedi ol.
Sý tasqyny jaǵdaiyna ishki ister organdarynan 9 myń adam jəne 1730 dana tehnika daiyn tur.
«Jekelegen óńirlerge kúsh-quraldar jiberý jumystary naýryz aiynyń sońynda bastalady. Atap aitqanda, ońtústik óńirlerden Shyǵysqa, Ortalyq Qazaqstanǵa jáne Soltústik, Batys baǵyttarǵa jiberilmek. Qazirgi ýaqytta Qazgidromet bólimshesimen jáne jergilikti atqarý organdarymen tyǵyz jumys istep jatyrmyz», - dedi ministrdiń orynbasary.
