Ana men bala ulttyq ǵylymi ortalyǵynda 100-shi balaǵa búirek transplantatsiiasy sátti jasaldy, dep habarlaidy "Ult aqparat" UMC korporativtik qoryna silteme jasap.
29 sáýirde Ana men bala ulttyq ǵylymi ortalyǵynda elimizdegi 100-shi balaǵa búirek transplantatsiiasy jasalyp, ota sátti ótti.
Ortalyqta búirek transplantatsiiasy 2012 jyldan beri jasalady. 2015 jyldan bastap Ana men bala ulttyq ǵylymi ortalyǵynda balalarǵa qaitys bolǵan adamdardan búirek transplantatsiiasy jasalady.
Búiregi aýystyrylǵan eń kishkentai balaǵa 3 jas 6 ai, salmaǵy nebári 10,5 keli bolǵan. Otandyq mamandar jasaǵan búirek transplantatsiiasynyń nátijesi álemdik klinikalarmen birdei. Múshe transplantatsiialanǵan balalardyń ómir súrý deńgeii Eýropadaǵydai. Búgingi tańda bul kórsetkish 94,4% deiin jetedi.
«Balalardy operatsiiaǵa durys daiyndaý ǵana emes, sonymen qatar Nefrologiia jáne dializ bóliminde ótetin operatsiiadan keiingi emdeý óte mańyzdy. Osyǵan bailanysty bizdiń mamandarymyzǵa dáriger-efferentolog, eresek reanimatsiia-anesteziologiia bóliminiń komandasyna, balalar reanimatsiiasy jáne anesteziologiia bóliminiń komandasyna, dáriger-anesteziolog, hirýrgter men barlyq ýrologtarǵa, búirek transplantatsiiasyna qatysqan medbikeler men anesteziologtarǵa zor alǵys bildiremiz», delingen habarlamada.
Búgingi tańda atalmysh ortalyq búirek transplantatsiiasy boiynsha Qazaqstanda jalǵyz. Otandyq mamandardyń emniń osy kúrdeli túrin meńgerýiniń arqasynda qazir búirek pen baýyrdy tranplantatsiialaýǵa muqtaj balalarǵa sheteldik klinikalarǵa barmai-aq qoiýyna bolady.
