QR Memlekettik xatshysy Gúlshara Ábdiqalyqova Túrkiiadan kelgen qazaq jastaryna otandyq bilim salasyndaǵy reformalar týraly aityp berdi. Osy oraida Nazarbaev ýniversitetiniń tájiribesin taratý jaiy sóz boldy, dep xabarlaidy QazAqparat tilshisi.
"Endi, biz burynǵy júieden jańa júiege ótý úshin jańadan oqý oryndaryn qurdyq. Ol - Nazarbaev ýniversiteti. Sizder keshe bardyńyzdar. Atalǵan ýniversitet dúniejúzindegi barlyq jaqsy tájiribeniń negizinde qurylǵan. Ondaǵy maqsatymyz - birinshiden, eń myqty jastardy tartý. Ekinshi jaǵynan - osy ýniversitettiń tájiribesin 120 ýniversitetke birtindep transliatsiia jasap taratý. Ol protsess júrip jatyr. Árine, bir kúnde bolmaidy. Qazir on ýniversitetti de pilottyq negizde qarastyryp jatyrmyz. Osy Nazarbaev ýniversitetine teńestirý, odan ary qarai basqa ýniversitetter de sol deńgeige tartylady de oilaimyz. Bolashaqta oqimyz deseńizder, kelýge bolady", - dedi G.Ábdiqalyqova.
Memlekettik xatshy daryndy balalardy anyqtaý júiesin de túsindirip berdi. Osy oraida G.Ábdiqalyqova Nazarbaev ziiatkerlik mektepteri, "Daryn" men "Zerdeniń" tájiribesine toqtaldy. Atalǵan uiymdar bilimge qushtar balalardy tereńdetip oqytady.
Aita keteiik, búgin Aqordada QR Memlekettik xatshysy Gúlshara Ábdiqalyqova Túrkiiadaǵy qazaq jastarymen kezdesti. Olardyń barlyǵy túrik jerinde dúniege kelgen. Qazir Ystanbul men Ankaranyń úzdik ýniversitetterinde bilim alyp júr.
"Jaqynda men Túrkiiaǵa saparmen barǵanda qazaq diasporasymen úlken kezdesý ótkizdim. Sol kezde jastar týǵan elin bilse eken, jaqyn tanyssa eken dep, kelisken bolatynbyz. Sóitip, senderdi kóptegen jastardyń ishinen iriktep, eń bilimdi, úsh tildi meńgergen úzikterdi tańdap aldyq. Sol jerdegi ziialy qaýym aitty. Sondyqtan senderdi osyndai úlken jetistikpen quttyqtaimyn", - dep atap kórsetti G.Ábdiqalyqova.
