قر مەملەكەتتٸك xاتشىسى گٷلشارا ەبدٸقالىقوۆا تٷركييادان كەلگەن قازاق جاستارىنا وتاندىق بٸلٸم سالاسىنداعى رەفورمالار تۋرالى ايتىپ بەردٸ. وسى ورايدا نازارباەۆ ۋنيۆەرسيتەتٸنٸڭ تەجٸريبەسٸن تاراتۋ جايى سٶز بولدى, دەپ xابارلايدى قازاقپارات تٸلشٸسٸ.
"ەندٸ, بٸز بۇرىنعى جٷيەدەن جاڭا جٷيەگە ٶتۋ ٷشٸن جاڭادان وقۋ ورىندارىن قۇردىق. ول - نازارباەۆ ۋنيۆەرسيتەتٸ. سٸزدەر كەشە باردىڭىزدار. اتالعان ۋنيۆەرسيتەت دٷنيەجٷزٸندەگٸ بارلىق جاقسى تەجٸريبەنٸڭ نەگٸزٸندە قۇرىلعان. ونداعى ماقساتىمىز - بٸرٸنشٸدەن, ەڭ مىقتى جاستاردى تارتۋ. ەكٸنشٸ جاعىنان - وسى ۋنيۆەرسيتەتتٸڭ تەجٸريبەسٸن 120 ۋنيۆەرسيتەتكە بٸرتٸندەپ ترانسلياتسييا جاساپ تاراتۋ. ول پروتسەسس جٷرٸپ جاتىر. ەرينە, بٸر كٷندە بولمايدى. قازٸر ون ۋنيۆەرسيتەتتٸ دە پيلوتتىق نەگٸزدە قاراستىرىپ جاتىرمىز. وسى نازارباەۆ ۋنيۆەرسيتەتٸنە تەڭەستٸرۋ, ودان ارى قاراي باسقا ۋنيۆەرسيتەتتەر دە سول دەڭگەيگە تارتىلادى دە ويلايمىز. بولاشاقتا وقيمىز دەسەڭٸزدەر, كەلۋگە بولادى", - دەدٸ گ.ەبدٸقالىقوۆا.
مەملەكەتتٸك xاتشى دارىندى بالالاردى انىقتاۋ جٷيەسٸن دە تٷسٸندٸرٸپ بەردٸ. وسى ورايدا گ.ەبدٸقالىقوۆا نازارباەۆ زيياتكەرلٸك مەكتەپتەرٸ, "دارىن" مەن "زەردەنٸڭ" تەجٸريبەسٸنە توقتالدى. اتالعان ۇيىمدار بٸلٸمگە قۇشتار بالالاردى تەرەڭدەتٸپ وقىتادى.
ايتا كەتەيٸك, بٷگٸن اقوردادا قر مەملەكەتتٸك xاتشىسى گٷلشارا ەبدٸقالىقوۆا تٷركيياداعى قازاق جاستارىمەن كەزدەستٸ. ولاردىڭ بارلىعى تٷرٸك جەرٸندە دٷنيەگە كەلگەن. قازٸر ىستانبۇل مەن انكارانىڭ ٷزدٸك ۋنيۆەرسيتەتتەرٸندە بٸلٸم الىپ جٷر.
"جاقىندا مەن تٷركيياعا ساپارمەن بارعاندا قازاق دياسپوراسىمەن ٷلكەن كەزدەسۋ ٶتكٸزدٸم. سول كەزدە جاستار تۋعان ەلٸن بٸلسە ەكەن, جاقىن تانىسسا ەكەن دەپ, كەلٸسكەن بولاتىنبىز. سٶيتٸپ, سەندەردٸ كٶپتەگەن جاستاردىڭ ٸشٸنەن ٸرٸكتەپ, ەڭ بٸلٸمدٸ, ٷش تٸلدٸ مەڭگەرگەن ٷزٸكتەردٸ تاڭداپ الدىق. سول جەردەگٸ زييالى قاۋىم ايتتى. سوندىقتان سەندەردٸ وسىنداي ٷلكەن جەتٸستٸكپەن قۇتتىقتايمىن", - دەپ اتاپ كٶرسەتتٸ گ.ەبدٸقالىقوۆا.
