© AP Photo
Paidalanylmai jatqan jáne zańnamany buza otyryp berilgen aýyl sharýashylyǵy maqsatyndaǵy 10 mln gektar jer memleket menshigine qaitaryldy, dep habarlaidy "Ult aqparat" Úkimettiń baspasóz qyzmetine silteme jasap.
"2022-2023 jyldar aralyǵynda Memleket basshysy Qasym-Jomart Toqaevtyń Qazaqstan halqyna Joldaýynda aitylǵan tapsyrmasyna sáikes tiisti jumystar atqaryldy.
QR Prezidentiniń tapsyrmalaryn sapaly ári ýaqtyly oryndaý maqsatynda Premer-Ministr Álihan Smaiylovtyń ókimimen arnaiy memlekettik komissiia quryldy. Onyń quramyna quqyq qorǵaý organdarynyń, ministrlikter men ákimdikterdiń ókilderi kirdi.
Júrgizilgen jumystardyń nátijesinde paidalanylmai jatqan jáne zańnamany buza otyryp berilgen 10 mln gektar aýyl sharýashylyǵy jerleri memleket menshigine qaitaryldy. Sondai-aq jaiylymdyq jer tapshylyǵy máselesiniń ózektiligin eskere otyryp, qaitarylǵan jerlerdi tiisti eldi mekenderge bekitý arqyly basym tártippen sharýalardyń qajettilikteri úshin berilip jatyr" - delingen habarlamada.
Úkimet baspasóz qyzmetiniń málimetinshe, Memleket basshysynyń tapsyrmalaryn oryndaýda «AMANAT» partiiasy janyndaǵy «Jer amanaty» komissiiasynyń qoǵamdyq-partiialyq baqylaýy mańyzdy faktorǵa ainalǵan. Atap aitqanda, atalǵan komissiia qaitarylatyn jerlerdi qaita bólýdi baqylaýmen ainalysqan.
Jerdi halyq arasynda odan ári ádil bólý máseleleri QR Úkimetiniń erekshe baqylaýynda bolady.
