© AP Photo
پايدالانىلماي جاتقان جەنە زاڭنامانى بۇزا وتىرىپ بەرٸلگەن اۋىل شارۋاشىلىعى ماقساتىنداعى 10 ملن گەكتار جەر مەملەكەت مەنشٸگٸنە قايتارىلدى, دەپ حابارلايدى "ۇلت اقپارات" ٷكٸمەتتٸڭ باسپاسٶز قىزمەتٸنە سٸلتەمە جاساپ.
"2022-2023 جىلدار ارالىعىندا مەملەكەت باسشىسى قاسىم-جومارت توقاەۆتىڭ قازاقستان حالقىنا جولداۋىندا ايتىلعان تاپسىرماسىنا سەيكەس تيٸستٸ جۇمىستار اتقارىلدى.
قر پرەزيدەنتٸنٸڭ تاپسىرمالارىن ساپالى ەرٸ ۋاقتىلى ورىنداۋ ماقساتىندا پرەمەر-مينيستر ەليحان سمايىلوۆتىڭ ٶكٸمٸمەن ارنايى مەملەكەتتٸك كوميسسييا قۇرىلدى. ونىڭ قۇرامىنا قۇقىق قورعاۋ ورگاندارىنىڭ, مينيسترلٸكتەر مەن ەكٸمدٸكتەردٸڭ ٶكٸلدەرٸ كٸردٸ.
جٷرگٸزٸلگەن جۇمىستاردىڭ نەتيجەسٸندە پايدالانىلماي جاتقان جەنە زاڭنامانى بۇزا وتىرىپ بەرٸلگەن 10 ملن گەكتار اۋىل شارۋاشىلىعى جەرلەرٸ مەملەكەت مەنشٸگٸنە قايتارىلدى. سونداي-اق جايىلىمدىق جەر تاپشىلىعى مەسەلەسٸنٸڭ ٶزەكتٸلٸگٸن ەسكەرە وتىرىپ, قايتارىلعان جەرلەردٸ تيٸستٸ ەلدٸ مەكەندەرگە بەكٸتۋ ارقىلى باسىم تەرتٸپپەن شارۋالاردىڭ قاجەتتٸلٸكتەرٸ ٷشٸن بەرٸلٸپ جاتىر" - دەلٸنگەن حابارلامادا.
ٷكٸمەت باسپاسٶز قىزمەتٸنٸڭ مەلٸمەتٸنشە, مەملەكەت باسشىسىنىڭ تاپسىرمالارىن ورىنداۋدا «AMANAT» پارتيياسى جانىنداعى «جەر اماناتى» كوميسسيياسىنىڭ قوعامدىق-پارتييالىق باقىلاۋى ماڭىزدى فاكتورعا اينالعان. اتاپ ايتقاندا, اتالعان كوميسسييا قايتارىلاتىن جەرلەردٸ قايتا بٶلۋدٸ باقىلاۋمەن اينالىسقان.
جەردٸ حالىق اراسىندا ودان ەرٸ ەدٸل بٶلۋ مەسەلەلەرٸ قر ٷكٸمەتٸنٸڭ ەرەكشە باقىلاۋىندا بولادى.
