Qazaqstanda 10 esirtki zerthanasy joiyldy. Bul týraly QR IIM baspasóz qyzmetiniń ókili Shuǵyla Turlybek aitty, dep habarlaidy "Ult aqparat".
Ótken aptada Ishki ister ministri Erlan Turǵymbaevtyń tóraǵalyǵymen vedomstvonyń alqa májilisi ótkenin eske salǵan ol: «Basqosýda uiymdasqan qylmys pen esirtki biznesine qarsy is-qimyl jónindegi jumystyń jai-kúii jeke qaraldy. Jyl basynan beri 2 tonnaǵa jýyq esirtki, onyń ishinde 41 keli sintetikalyq esirtki tárkilengen. Olardy óndiretin 10 esirtki zerthanasy joiyldy», - dedi.
Onyń aitýynsha, alqa otyrysyna qatysqandar qoǵamdyq tártipti saqtaý máselelerine erekshe nazar aýdardy.
«IIM júiesinde 2021 jyl quqyq buzýshylyqtyń aldyn alý jáne «jurtqa jaqyn politsiia» qaǵidatyn qamtamasyz etý jyly dep jariialandy. Qalalarda 58 modýldik statsionarlyq politsiia beketteri ornatyldy. Jalpy 5 jyl ishinde osyndai 176 beket ornatý josparlanýda. Qoǵamdyq oryndar men avtojoldarda politsiiany shuǵyl shaqyrý úshin «SOS» dabyl túimelerin ornatý pysyqtalýda» - dep atap ótken Erlan Turǵymbaev alqa otyrysynda.
