Jazdyń sońǵy aiy qazaqstandyqtar úshin oqiǵaǵa bai bola qoimaidy. Alaida birqatar jańashyldyq kúshine enedi, dep jazady Sputnik.
Ulttyq bank bankter aktiviniń sapasyn baǵalai bastady
Ulttyq bank 1 tamyzdan bastap eldiń bank sektory aktiviniń sapasyn baǵalai bastaidy.
Osynyń arqasynda negizgi bankterdiń qarjylyq ahýaly týraly aqparat qoljetimdi bola túsedi. Iaǵni barsha bank júiesiniń ashyqtyǵy qamtamasyz etiledi.
Ulttyq bank mundai qadam investorlar men salymshylardyń senimin arttyrady degendi alǵa tartyp otyr.
Dárigerlerdiń qyzmetine qatysty jańashyldyq
2019 jyldyń 1 tamyzynda sertifikatynyń merzimi ótken dárigerler úshin densaýlyq saqtaý ministrliginiń aqparat júiesi avtomatty túrde buǵattalady. Bul - dáriger jumystan shettetiledi degendi bildiredi.
Maýsym aiynda densaýlyq saqtaý ministrligi bes óńirde jalǵan sertifikatpen jumys istep júrgen 28 meditsinalyq qyzmetker ustalǵanyn habarlaǵan bolatyn.
Arysty qalpyna keltirý
1 tamyzda Arys qalasynda úilerdi jóndeý jumystary aiaqtalýy tiis.
Al tolyqtai qiraǵan úilerdi jańadan salý isi 15 tamyzǵa deiin jalǵasady.
Eske sala ketsek, 2019 jyldyń 24 maýsymynda tańǵy saǵat toǵyz shamasynda Túrkistan oblysynyń Arys qalasynda joiqyn jarylys boldy. Tótenshe jaǵdai №44856 áskeri bólimdegi oq-dári qoimasynda bolǵan. Qala turǵyndary shuǵyl túrde kórshi aýdandar men Shymkent qalasyna jetkizildi.
Tótenshe oqiǵa saldarynan úsh adam qaza boldy, ekeýi – áskeri qyzmetker. Qalany minasyzdandyrý jumysy júrgizildi. 28 maýsym kúni turǵyndar úilerine orala bastady.
Siriia boiynsha kelissózder
Tamyzdyń alǵashqy kúninde elordada Astana protsesi aiasynda Siriiadaǵy qaqtyǵysqa bailanysty 13-shi joǵary deńgeidegi halyqaralyq kezdesý ótedi.
Kezdesýge BUU janyndaǵy SAR turaqty ókili Bashar al-Djaafari bastaǵan Siriianyń úkimettik delegatsiiasy men Ahmad al-Toýma bastaǵan qarýly oppozitsiia ókilderi qatysady.
Resei delegatsiiasyn Siriia jónindegi prezidenttiń arnaiy ókili Aleksandr Lavrentev bastaidy. Túrkiia tarapynan eldiń syrtqy saiasi vedomstvosy basshysynyń orynbasary Sedat Onal keledi.
Irannan syrtqy ister ministriniń saiasi máseleler jónindegi aǵa kómekshisi Ali Asgar Hadji bastaǵan delegatsiia bolady.
