جازدىڭ سوڭعى ايى قازاقستاندىقتار ٷشٸن وقيعاعا باي بولا قويمايدى. الايدا بٸرقاتار جاڭاشىلدىق كٷشٸنە ەنەدٸ, دەپ جازادى Sputnik.
ۇلتتىق بانك بانكتەر اكتيۆٸنٸڭ ساپاسىن باعالاي باستادى
ۇلتتىق بانك 1 تامىزدان باستاپ ەلدٸڭ بانك سەكتورى اكتيۆٸنٸڭ ساپاسىن باعالاي باستايدى.
وسىنىڭ ارقاسىندا نەگٸزگٸ بانكتەردٸڭ قارجىلىق احۋالى تۋرالى اقپارات قولجەتٸمدٸ بولا تٷسەدٸ. ياعني بارشا بانك جٷيەسٸنٸڭ اشىقتىعى قامتاماسىز ەتٸلەدٸ.
ۇلتتىق بانك مۇنداي قادام ينۆەستورلار مەن سالىمشىلاردىڭ سەنٸمٸن ارتتىرادى دەگەندٸ العا تارتىپ وتىر.
دەرٸگەرلەردٸڭ قىزمەتٸنە قاتىستى جاڭاشىلدىق
2019 جىلدىڭ 1 تامىزىندا سەرتيفيكاتىنىڭ مەرزٸمٸ ٶتكەن دەرٸگەرلەر ٷشٸن دەنساۋلىق ساقتاۋ مينيسترلٸگٸنٸڭ اقپارات جٷيەسٸ اۆتوماتتى تٷردە بۇعاتتالادى. بۇل - دەرٸگەر جۇمىستان شەتتەتٸلەدٸ دەگەندٸ بٸلدٸرەدٸ.
ماۋسىم ايىندا دەنساۋلىق ساقتاۋ مينيسترلٸگٸ بەس ٶڭٸردە جالعان سەرتيفيكاتپەن جۇمىس ٸستەپ جٷرگەن 28 مەديتسينالىق قىزمەتكەر ۇستالعانىن حابارلاعان بولاتىن.
ارىستى قالپىنا كەلتٸرۋ
1 تامىزدا ارىس قالاسىندا ٷيلەردٸ جٶندەۋ جۇمىستارى اياقتالۋى تيٸس.
ال تولىقتاي قيراعان ٷيلەردٸ جاڭادان سالۋ ٸسٸ 15 تامىزعا دەيٸن جالعاسادى.
ەسكە سالا كەتسەك, 2019 جىلدىڭ 24 ماۋسىمىندا تاڭعى ساعات توعىز شاماسىندا تٷركٸستان وبلىسىنىڭ ارىس قالاسىندا جويقىن جارىلىس بولدى. تٶتەنشە جاعداي №44856 ەسكەري بٶلٸمدەگٸ وق-دەرٸ قويماسىندا بولعان. قالا تۇرعىندارى شۇعىل تٷردە كٶرشٸ اۋداندار مەن شىمكەنت قالاسىنا جەتكٸزٸلدٸ.
تٶتەنشە وقيعا سالدارىنان ٷش ادام قازا بولدى, ەكەۋٸ – ەسكەري قىزمەتكەر. قالانى ميناسىزداندىرۋ جۇمىسى جٷرگٸزٸلدٸ. 28 ماۋسىم كٷنٸ تۇرعىندار ٷيلەرٸنە ورالا باستادى.
سيرييا بويىنشا كەلٸسسٶزدەر
تامىزدىڭ العاشقى كٷنٸندە ەلوردادا استانا پروتسەسٸ اياسىندا سيريياداعى قاقتىعىسقا بايلانىستى 13-شٸ جوعارى دەڭگەيدەگٸ حالىقارالىق كەزدەسۋ ٶتەدٸ.
كەزدەسۋگە بۇۇ جانىنداعى سار تۇراقتى ٶكٸلٸ باشار ال-دجاافاري باستاعان سيرييانىڭ ٷكٸمەتتٸك دەلەگاتسيياسى مەن احماد ال-توۋما باستاعان قارۋلى وپپوزيتسييا ٶكٸلدەرٸ قاتىسادى.
رەسەي دەلەگاتسيياسىن سيرييا جٶنٸندەگٸ پرەزيدەنتتٸڭ ارنايى ٶكٸلٸ الەكساندر لاۆرەنتەۆ باستايدى. تٷركييا تاراپىنان ەلدٸڭ سىرتقى ساياسي ۆەدومستۆوسى باسشىسىنىڭ ورىنباسارى سەدات ونال كەلەدٸ.
يراننان سىرتقى ٸستەر مينيسترٸنٸڭ ساياسي مەسەلەلەر جٶنٸندەگٸ اعا كٶمەكشٸسٸ الي اسگار حادجي باستاعان دەلەگاتسييا بولادى.
