Balalardy 1-synypqa qabyldaý úshin 13 myńnan astam elektrondy ótinish tústi. Qabyldaýdyń birinshi kúni, iaǵni jumada 10 myń, búgin jumys kúni bastalǵaly beri taǵy 3 myń ótinish qabyldandy, dep habarlaidy QR BǴM baspasóz qyzmeti.
Eske sala keteiik, azamattarǵa yńǵaily bolýy úshin balalardy mektepke qabyldaý qyzmeti avtomattandyrylǵan. Bul jumys egov.kz veb-portaly arqyly júzege asyrylady.
Balalardy 1-synypqa qabyldaý úshin qujattardy 1 sáýirde bastap, 2022 jylǵy 1 tamyzǵa deiin tapsyrýǵa bolady.
«Biz azamattarǵa kórsetiletin barlyq qyzmetti avtomattandyrýǵa basa nazar aýdaramyz. UBT, barlyq deńgeidegi olimpiada elektrondy formatqa kóshirildi. Munyń kóptegen artyqshylyǵy bar, eń bastysy - barlyq protsestiń ashyqtyǵy. Biz ashyqtyqty jáne azamattarǵa qolaily jaǵdai jasaýdy qoldaimyz. Qujattardy qabyldaýdyń birinshi kúniniń ózinde egov.kz portaly arqyly 10 myńnan astam elektrondy ótinish kelip tústi. Mundai sandar QR BǴM-niń tsifrlyq memlekettik qyzmetteri azamattar arasynda tanymal ekendigin kórsetedi», - deidi Bilim jáne ǵylym vitse-ministri Aibat Iliiasov.
Aita keteiik, 1-synypqa balalardy qabyldaý ata-anasynyń nemese bilim alýshynyń zańdy ókiliniń jeke ótinishi negizinde qabyldanady.
Sondai-aq mynadai qujattar qajet: balanyń týý týraly kýáliginiń kóshirmesi; 026/ý-3 nysanyndaǵy densaýlyq jaǵdaiy týraly qujat; 065/ý nysanyndaǵy densaýlyq jaǵdaiy týraly qujat jáne oqýshynyń ólshemi 3h4 bolatyn eki fotosýreti (oqýǵa qabyldaýdyń Úlgilik qaǵidalarynda QR BǴM 2018 jylǵy 12 qazandaǵy №564 buiryǵyna sáikes balalardy mektepke qabyldaý tártibi aiqyndalǵan).
