بالالاردى 1-سىنىپقا قابىلداۋ ٷشٸن 13 مىڭنان استام ەلەكتروندى ٶتٸنٸش تٷستٸ. قابىلداۋدىڭ بٸرٸنشٸ كٷنٸ, ياعني جۇمادا 10 مىڭ, بٷگٸن جۇمىس كٷنٸ باستالعالى بەرٸ تاعى 3 مىڭ ٶتٸنٸش قابىلداندى, دەپ حابارلايدى قر بعم باسپاسٶز قىزمەتٸ.
ەسكە سالا كەتەيٸك, ازاماتتارعا ىڭعايلى بولۋى ٷشٸن بالالاردى مەكتەپكە قابىلداۋ قىزمەتٸ اۆتوماتتاندىرىلعان. بۇل جۇمىس egov.kz ۆەب-پورتالى ارقىلى جٷزەگە اسىرىلادى.
بالالاردى 1-سىنىپقا قابىلداۋ ٷشٸن قۇجاتتاردى 1 سەۋٸردە باستاپ, 2022 جىلعى 1 تامىزعا دەيٸن تاپسىرۋعا بولادى.
«بٸز ازاماتتارعا كٶرسەتٸلەتٸن بارلىق قىزمەتتٸ اۆتوماتتاندىرۋعا باسا نازار اۋدارامىز. ۇبت, بارلىق دەڭگەيدەگٸ وليمپيادا ەلەكتروندى فورماتقا كٶشٸرٸلدٸ. مۇنىڭ كٶپتەگەن ارتىقشىلىعى بار, ەڭ باستىسى - بارلىق پروتسەستٸڭ اشىقتىعى. بٸز اشىقتىقتى جەنە ازاماتتارعا قولايلى جاعداي جاساۋدى قولدايمىز. قۇجاتتاردى قابىلداۋدىڭ بٸرٸنشٸ كٷنٸنٸڭ ٶزٸندە egov.kz پورتالى ارقىلى 10 مىڭنان استام ەلەكتروندى ٶتٸنٸش كەلٸپ تٷستٸ. مۇنداي ساندار قر بعم-نٸڭ تسيفرلىق مەملەكەتتٸك قىزمەتتەرٸ ازاماتتار اراسىندا تانىمال ەكەندٸگٸن كٶرسەتەدٸ», - دەيدٸ بٸلٸم جەنە عىلىم ۆيتسە-مينيسترٸ ايبات ٸليياسوۆ.
ايتا كەتەيٸك, 1-سىنىپقا بالالاردى قابىلداۋ اتا-اناسىنىڭ نەمەسە بٸلٸم الۋشىنىڭ زاڭدى ٶكٸلٸنٸڭ جەكە ٶتٸنٸشٸ نەگٸزٸندە قابىلدانادى.
سونداي-اق مىناداي قۇجاتتار قاجەت: بالانىڭ تۋۋ تۋرالى كۋەلٸگٸنٸڭ كٶشٸرمەسٸ; 026/ۋ-3 نىسانىنداعى دەنساۋلىق جاعدايى تۋرالى قۇجات; 065/ۋ نىسانىنداعى دەنساۋلىق جاعدايى تۋرالى قۇجات جەنە وقۋشىنىڭ ٶلشەمٸ 3ح4 بولاتىن ەكٸ فوتوسۋرەتٸ (وقۋعا قابىلداۋدىڭ ٷلگٸلٸك قاعيدالارىندا قر بعم 2018 جىلعى 12 قازانداعى №564 بۇيرىعىنا سەيكەس بالالاردى مەكتەپكە قابىلداۋ تەرتٸبٸ ايقىندالعان).
