Sýret: work.ua
Qazaqstanda frilanserlerdiń ai ishindegi ortasha sany 255,8 myń adamǵa jetti. Frilanserlerdiń negizgi bóligi bilim berý, saýda salalaryna (15% - dan), sondai-aq memlekettik basqarý jáne áleýmettik qamsyzdandyrý sektoryna (13%) tiesili, dep habarlaidy QazAqparat.
Eńbek resýrstaryn damytý ortalyǵynyń málimetinshe, 2021 jyly Qazaqstanda 1 mln-nan astam adam frilanser bolyp jumys istedi. Sonymen qatar frilanserlerdiń 78%-y mundai jumysty jaldamaly jumyspen biriktirdi.
Ortasha tabys 124 myń teńgeni, medianalyq tabys 65 myń teńgeni qurady. Bul shart boiynsha syiaqy mólsheri az adamdardyń kóp ekendigin kórsetedi. Bul rette eń joǵary tabys kásiptik jáne ǵylymi qyzmet salalaryna (ortasha tabys 211 myń teńge jáne medianalyq tabys – 111 myń teńge), taý-ken óndirý ónerkásibine (209 myń jáne 149 myń teńge), aqparat pen bailanysqa (188 myń jáne 93 myń teńge) tán.
Óńirlerge qatysty jiyntyǵynda Almaty, Astana jáne Shymkent qalalaryna barlyq frilanserlerdiń shamamen 41% keledi, onyń ishinde tek Almatyda-22%.
«Kóptegen uiymdar frilanserlerdi belgili bir jobalarǵa tartady, bul olarǵa belgili bir daǵdylary bar jumysshylardy irikteý men jaldaýdyń uzaq protsesin boldyrmaýǵa múmkindik beredi. Osynyń arqasynda biznes personal men infraqurylym shyǵyndaryn azaitady. Frilanser retinde siz naryqtaǵy bilimińiz ben daǵdylaryńyzǵa súiene otyryp, qashan jumys isteý kerektigin, qaida jumys isteý kerektigin, kimmen jumys isteý kerektigin jáne jumysyńyzdyń qansha turatynyn sheshe alasyz. Alaida, erkin jalaqy alatyn qyzmetkerler kóbinese áleýmettik qorǵaý júielerinen tys qalady, ádette dástúrli jumyspen qamtý sheńberinde beriletin eńbek quqyqtarynda, mysaly, jyl saiynǵy demalystar, aýrýhanalyq demalystar, biliktilikti arttyrý shekteýli», – dep atap ótti ortalyqtyń strategiia departamentiniń direktory Ulpan Shegenova.
