Qazaqstandaǵy mektepterde josparly túrde úshinshi oqý toqsany 11 qańtarda bastaldy. Úshinshi toqsan 20 naýryzǵa deiin jalǵasady. QR Bilim jáne ǵylym vitse-ministri Sholpan Karinova bul toqsanda sanitarlyq ahýal eskerilip oqý protsesi ártúrli formattarda júrgiziletinin málim etti, dep habarlaidy"Ult aqparat".
Sholpan Qarinova OKQ-da ótken baspasóz máslihatynda atap ótkendei, dástúrli formatta oqytý jalpy bilim beretin mektepterde kezekshi synyptarda 1-den 5-synypqa deiin qosa alǵanda, halyqaralyq mektepterde 7-synypqa deiin ata-analardyń nemese ózge de zańdy ókilderdiń ótinishi boiynsha 15 baladan aspaityn synyptarda jalǵasady. Sonymen qatar kontingenti 300 balaǵa deiingi mektepterde de oqýshylar dástúrli formatta oqidy.
Bul toqsanda:
- menshik nysanyna qaramastan mektepterdiń bitirýshi synyptary (9,11 (12) synyptar) úshin oqýshylar shtattyq rejimde oqytyla bastady. Olarda pánderdiń 70%-y shtattyq rejimde, 30%-y qashyqtan oqytý usynyldy;
- sanitarlyq-epidemiologiialyq talaptardy qatań saqtai otyryp, arnaiy mektep-internattardyń, jalpy úlgidegi mektep-internattardyń, mektep janyndaǵy internattardyń, daryndy balalarǵa arnalǵan mektep-internattarda turyp oqýyna ruqsat etildi.
Menshik nysanyna qaramastan bilim berý uiymdarynyń bitirýshi synyptary úshin oqytý aralas formatta uiymdastyrylady: pánderdiń 70%-y dástúrli formatta, al 30%-y qashyqtan oqytylady. Biyl elimiz boiynsha bitirýshi synyptardaǵy oqýshylardyń sany 440 myńnan astam adamdy quraidy.
Oqý protsesin aralas formatta uiymdastyrý kezinde sanitarlyq-epidemiologiialyq normalar saqtalyp, sabaqtardyń ikemdi kestesi qurylady. Sonymen qatar áleýmettik qashyqtyqty saqtaý úshin aýysymdar men kishi aýysymdar sany ulǵaitylyp, árbir synyp úshin sabaq arasyndaǵy úzilister ár túrli ýaqytta uiymdastyrylady. Sanitarlyq talaptarǵa sáikes mektepke kirý kezinde bilim alýshylar men pedagogterdiń dene qyzýyn kúndelikti ólsheý qajet.
Sondai-aq, qajet bolǵan jaǵdaida pedagogterdiń, oqýshylardyń jáne olardyń ata-analarynyń qalaýy boiynsha shtattyq formatta bilim alyp jatqan oqýshylar úshin mektepte jeke konsýltatsiialar ótkizýge ruqsat etilgen. Bir topta 5 adamnan artyq bolmaýy tiis.
