Astana qalalyq kóshi-qon politsiiasy basqarmasynyń bastyǵy Gúlvira Dónenbaevanyń aitýynsha, ýaqytsha men turaqty tirkeýdi aqyly túrde júrgizetin pysyqailardyń «biznesi» áli de báseńdeitin emes, dep habarlaidy QazAqparat tilshisi.
«Ýaqytsha tirkeý týraly zań kúshine engeli beri Qazaqstanda 1 million 442 myń adam tirkeýge turdy. Olardyń ishinde 695 000 adam turaqty tirkeýge tursa, 746 myńy - ýaqytsha tirkeýge otyrǵandar», - dedi Dónenbaeva «Vecherniaia Astana» gazetine bergen suhbatynda.
Aita keteiik, jyl basynan beri Astananyń ózinde 250 myń adam tirkeýge turdy. Endi, osy málimetterdiń negizinde jergilikti atqarýshy organdar mindetti áleýmettik meditsinalyq saqtandyrýdy engizý, mektep pen balabaqshalardy salý, jalpy qalany damytý josparlaryn túzete alady.
«Negizi, baspananyń aýdanyna qarai árbir adamdy tirkeýge qoiý tetikteri zańmen bekitilgennen keiin Astanada páterdi jasyryn jalǵa berý áreketteri azaiýy tiis. Degenmen, Prezidenttiń tikelei tapsyrmasy men jergilikti biliktiń qolǵa alyp jatqan sharalaryna qaramastan, páterdi zańsyz jalǵa berý men tirkeýge qoiý biznesi áli de báseńdeitin emes», - deidi Dónenbaeva.
