Qazaqstanda 1 665 adam koronavirýsqa qarsy otandyq «QazVac» vaktsinasyn saldyrdy, dep habarlaidy "Ult aqparat".
«1 665 adam «QazVac» vaktsinasyn saldyrdy», - delingen QR Densaýlyq saqtaý ministrligi taratqan aqparatta.
Esterińizge sala ketsek, 22 cáýir kúni Biologiialyq qaýipsizdik mámeleleri jónindegi ǵylymi-zertteý institýty ǵalymdary ázirlegen COVID-19-ǵa qarsy qazaqstandyq «QazVac» (QazCovid-in) vaktsinasynyń alǵashqy partiiasy jóneltilgen bolatyn.
Vaktsinanyń alǵashqy 50 myń dozasy «SQ-Farmatsiianyń» habtaryna taratylyp, odan ári elimizdiń barlyq óńirlerindegi densaýlyq saqtaý basqarmalarynyń qoimalaryna jetkizilgen edi.
Odan ary vaktsinanyń 6 myń dozasyn Nur-Sultan men Almaty qalalary, 4 myń dozasyn Shymkent qalasy jáne Qaraǵandy, Shyǵys Qazaqstan, Almaty oblystary aldy. Qalǵan óńirlerge 2 myń dozadan jetkizildi.
Al keshe Densaýlyq saqtaý ministri Aleksei Tsoi alǵashqylardyń biri bolyp KVI-ge otandyq «QazVac» vaktsinasyn tikelei efirde saldyrdy.
Aita keteiik, «QazVac» jasalýy jaǵynan belsendi emes óltirilgen vaktsina qoldanylady. Ol saqtaý jáne tasymaldaýdyń arnaiy temperatýrasyn qajet etpeidi. Mundaǵy rejim ekiden segiz gradýsqa deiin ǵana. Iaǵni, vaktsinany saqtaý úshin qarapaiym turmystyq tońazytqyshty qoldanýǵa bolady.
