Tótenshe jaǵdai kezinde tabysynan aiyrylýyna bailanysty 1 660-tan astam adam 42 500 teńge kóleminde kómek aldy, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
Memlekettik áleýmettik saqtandyrý qorynan tótenshe jaǵdai kezinde tabysynan aiyrylýyna bailanysty 1 669 adam jańa áleýmettik tólemdi aldy.
1 sáýir saǵat 18-degi jaǵdai boiynsha tabysynan aiyrylýyna bailanysty áleýmettik tólem taǵaiyndaýǵa jalpy alǵanda 14 074 adam júgingen. Onyń ishinde:
– Nur-Sultan – 3 885;
– Almaty – 4 121;
– Shymkent – 80;
– Aqmola – 126;
– Aqtóbe – 226;
– Almaty – 523;
– Atyraý – 14;
– ShQO – 31;
– Jambyl – 546;
– BQO – 105;
– Qaraǵandy – 404;
– Qostanai – 2 892;
– Qyzylorda – 208;
– Mańǵystaý – 71;
– Pavlodar – 575;
– SQO – 45;
– Túrkistan – 222.
Tólemder 1 885 adamǵa taǵaiyndalyp, 1 669 adam aldy.
Esterińizge sala keteiik, tótenshe jaǵdai kezinde tabysynan aiyrylýyna bailanysty MÁSQ-tan áleýmettik tólem mólsheri aiyna 42,5 myń teńge (eń tómengi jalaqy), ol kelesi sanattaǵy azamattarǵa taǵaiyndalady: orta, shaǵyn jáne mikrobiznes sýbektileriniń qyzmetkerleri; jeke kásipkerler; jeke praktikamen ainalysatyn adamdar (notariýs, jeke sot oryndaýshysy, advokat, kásibi mediator); biryńǵai jiyntyq tólemdi tóleýshiler; nysanasy jumystardy oryndaý bolyp tabylatyn azamattyq-quqyqtyq sipattaǵy sharttar boiynsha tabys tabatyn adamdar, salyq agentteri olar úshin mindetti zeinetaqy jarnalaryn aýdarǵan jeke tulǵalar kiredi. karantin engizilgen eldi mekenderdegi iri biznes sýbektileriniń qyzmetkerleri.
Áleýmettik járdemaqy taǵaiyndaý úshin jumys berýshiler ótinishpen qyzmetkerlerdiń tizimin ǵana usynady; JK, JP, AQS jáne BJT tóleýshiler jeke derekterdi kórsete otyryp, tek ótinish beredi.
Sondai-aq, qyzmetker jumys berýshiniń ótinish berýin kútpei-aq ótinishti ózi bere alady.
Sonymen birge barlyq ótinish berýshiler tótenshe jaǵdaidyń engizilýine bailanysty kiristerdi joǵaltý faktisiniń durystyǵy úshin ózine jaýapkershilik alady.
Ótinish «Elektrondyq úkimet» portalynda «Elektrondyq ótinish» servisi arqyly elektrondyq formatta beriledi.
Áleýmettik tólem taǵaiyndaý úshin qyzmetkerdiń (JK jáne JP derbes) memlekettik áleýmettik saqtandyrý qoryna (AQS úshin – BJZQ-ǵa jarnalar) sońǵy 12 aida keminde 1 ret áleýmettik aýdarymdar jasaýy jetkilikti bolady.
MÁSQ-tan áleýmettik tólemdi taǵaiyndaýǵa úmitker azamattarǵa áleýmettik aýdarymdar nemese zeinetaqy jarnalarynyń bar-joǵyn dáleldeýdiń qajeti joq, buny avtomatty túrde «Azamattarǵa arnalǵan úkimet» memlekettik korporatsiiasy» KEAQ tekseredi.
Ótinimderdi qaraý jáne áleýmettik tólemdi taǵaiyndaý merzimi qysqartyldy, 3 jumys kúnin quraidy.
