Foto ashyq derekkózden alyndy
Ǵylym jáne joǵary bilim vitse-ministri Qýanysh Erǵaliev infliatsiiaǵa bailanysty Qazaqstanda JOO-da oqý aqysy qymbattaýy múmkin ekenin aitty, - dep habarlaidy Massaget.kz portaly.
"Jyl saiyn joǵary oqý oryndarynan oqý aqysyn kótermeýdi suraimyz, biraq naryqtaǵy baǵanyń ózgerýine, jyl saiynǵy infliatsiiaǵa bailanysty ýniversitetter oqý qunyn infliatsiia kórsetkishterimen túzetedi. Máselen, byltyr infliatsiia 14 paiyz bolsa, keibir ýniversitetter pliýs nemese minýs 14 paiyzǵa ósti (bilim berý quny - esk.). Mundai túzetý zańdy. Biz ýniversitetterdi oqý qunyn birden kótermeýge úgitteimiz. Biraq ekonomikalyq jaǵdai basqasha. Barlyǵy qymbattaidy. Infliatsiia sheginde túzetýler múmkin", - dedi Erǵaliev.
Onyń aitýynsha, ár ýniversitettiń ózindik quny bar, ortasha kórsetkish jylyna 300-400 myń teńge shamasynda. Biraq keibir joǵary oqý ornynda bir jyldyq oqý aqysy 500-600 myń teńge turady.
"Kelisemin, bilim berý quny ózekti másele. Aita keteiik, oqý qunyn joǵary oqý oryndarynyń ózi anyqtaýǵa quqyly. Ol aimaqqa, olardaǵy shyǵyndarǵa bailanysty ózgerýi múmkin. Barlyǵy ekonomikamen bailanysty. Infliatsiia deńgeiinde ósý zańdy protsess, eger olar ony túbegeili kóterse, bul basqa másele. Mysaly, 300 myń bolsa, ony 1 millionǵa deiin kóterse, onda bul shekten shyǵý jáne biz mundai ýniversitettermen jeke jumys isteimiz", - dedi vitse-ministr.
Erǵaliev qazir Qazaqstanda 600 myńǵa jýyq stýdent joǵary bilim alyp jatqanyn, onyń 40 paiyzǵa jýyǵy grant iegerleri ekenin aitty.
