Qysqy kezeńnen keiin Qazaqstannyń avtojoldaryn qalpyna keltirý jumystary bastaldy. Bul týraly QR Indýstriia jáne infraqurylymdyq damý ministrliginen málim etti, dep habarlaidy "Ult aqparat".
Atalmysh jumystar 15 sáýir - 15 maýsym aralyǵynda Almaty, Atyraý, Jambyl, Qyzylorda, Mańǵystaý jáne Túrkistan oblystarynda, 1 mamyr - 1 shilde aralyǵynda Aqmola, Aqtóbe, Batys Qazaqstan, Shyǵys Qazaqstan, Qaraǵandy, Qostanai, Pavlodar jáne Soltústik Qazaqstan oblystarynda júrgiziletin bolady.
Baǵdarlamaǵa sáikes el joldarynyń 463 myń sharshy metrinde shuńqyrlardy jamaý jumystary júrgizilip, 13,4 myń jol belgileri men aqparattyq nysandar ornatylady dep kútilýde. Jolshylar uzyndyǵy 37,1 myń shaqyrymdy quraityn joldardyń qozǵalys bóligin tańbalap, jol boiyndaǵy qorshaýlardyń 37,5 myń metrin ornatýy, jóndeýi tiis. Sonymen qatar, 8,4 myń sharshy metr joldyń ústine budyrly jolaqtar ornatý josparlanýda. Jumystardy «Qazaqavtojol» JShS júzege asyratyn bolady.
«15 sáýirden bastap Qazaqstannyń joldarynda jol jabyndysynyń olqylyqtaryn joiýǵa baǵyttalǵan jyl saiynǵy eki ailyq jumys bastalady. Eki ai ishinde shuńqyrlardy jamaý, jol belgilerin ornatý jáne joldardy tańbalaý siiaqty jumystardyń jyldyq kóleminiń 60% oryndalady», - delingen ministrlik aqparatynda.
