Elimizde jerdi ǵaryshtan qadaǵalaityn spýtnikter qurastyrylýy múmkin, dep habarlaidy "Ult aqparat".
Bul týraly Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aitty.
«Ǵarysh salasyndaǵy ekinshi baǵyt – jerdi qashyqtyqtan zondtaý. Qazir ol birneshe salada qoldanylyp otyr. Mysaly, byltyr 1 mln ga paidalanylmai jatqan jer osy tehnologiianyń kómegimen belgili boldy. Sondai-aq, 217 zańsyz aǵash kesý faktisin, 4 mln ga órt oshaǵyn, 9 myńnan astam zańsyz qoqys ornyn anyqtadyq. Munyń bári spýtniktik tehnologiialar arqyly anyqtalady. 60 mlrd teńgege salynǵan zaýytta jerdi qashyqtyqtan zondtaýǵa baǵdarlanǵan spýtnikter shyǵaratyn bolamyz. Osy baǵytta damýǵa múmkindik bar», - dedi Baǵdat Mýsin.
