Qazaqstan Jazýshylar odaǵy - el ádebieti men mádenietinde, sondai-aq onyń tarihynda erekshe orny alatyn kieli orda.
Búginde ol - 800-den astam qalamgerdiń basyn biriktirgen bedeldi uiym.
Qazaqstan Jazýshylar Odaǵy 1934 jyly qurylyp, alǵashqy basqarma tóraǵasy bolyp Iliias Jansúgirov sailanady. Ǵasyrǵa jýyq kezeńde odaqty - Sáken Seifýllin, Sábit Muqanov, Ábdilda Tájibaev, Ǵabit Músirepov, Juban Moldaǵaliev syndy qazaqtyń alyp ta kemeńger tulǵalary hám basqa da belgili aqyn-jazýshylar basqardy. Olar ulttyq qundylyqtarmyzdy dáriptep, halqymyzdyń joǵyn túgendeý jolynda talai qiyn-qystaý kezeńdi basynan ótkerdi.
Al, qazir bul qutty mekendi aǵa býynnyń izin basyp, isin jalǵaǵan kórnekti aqyn, QR Memlekettik syilyǵynyń laýreaty Ulyqbek Esdáýlet basqaryp otyr.
Qazaq rýhaniiaty men mádenietiniń marǵasqalary qyzmet etken odaq ultymyzdyń rýhani jańǵyrýyna súbeli úles qosyp, eldigimizdi tanytý jolynda tynbai eńbek etip keledi.
Mine, biyl - qazaq ádebietiniń qara shańyraǵynyń qurylǵanyna 85 jyl.
