Qazaqstan álemdik The Green Future Index reitinginde 76 eldiń ishinde 33-orynǵa shyqty, dep habarlaidy "Ult aqparat".
Zertteý nátijesi Massachýsets tehnologiialyq institýtynyń klimattyń ózgerýi problemalaryna baǵyttalǵan MIT Technology Review portalynda jariialandy.
Atalǵan reitingide jetekshi elderdiń tómen kómirtekti keleshekti qalyptastyrýdaǵy progresi, ekonomikanyń - energetika, aýyl sharýashylyǵy, indýstriia, áleýmettik salalarynyń jasyl tehnologiiaǵa kóshýi esepke alynady. Iaǵni, memleketterdiń qaita óńdeletin energiia, innovatsiia men jasyl qarjylandyrýǵa investitsiia salýy – basty nazarda.
Atalǵan kestede zerttelgen ekonomika salalarynyń bir-birine qatynasy kórsetilip, kómirtek shyǵaryndylary, jasyl qoǵam, energetikalyq aýysý, taza innovatsiialar jáne klimat salasyndaǵy saiasat baǵyttary boiynsha ortaq baǵa shyǵarylǵan.
Qazaqstan 4,9 ball alyp, 2030 jylǵa qarai jańartylatyn energiia kózderinen elektr qýatyn óndirý úlesin 30% jetkizý kózdelip otyrǵany atap ótilgen.
Alǵashqy bestikke Irlandiia, Islandiia, Daniia, Norvegiia, Frantsiia memleketteri jaiǵassa, sońǵy oryndarda Aljir, Resei, Iran, Paragvai, Katar memleketteri tur.
