«Qazaqstan jastar kongresi» ZTB atqarýshy direktory Toqtar Bolysov Prezidenttiń Qazaqstan halqyna Joldaýynda qandai máseleler kóterilýi múmkin ekenin aitty, dep habarlaidy QazAqparat.
«Joldaý birinshi kezekte áleýmettik ári ekonomikalyq máselelerge arnalatynyn bilemiz. Árine, barsha álemdi koronavirýs indeti sharpyǵanyn eskere otyryp, daǵdarystan shyǵý joly, shaǵyn jáne orta biznesti qoldaý, halyqty qoldaý sharalary turǵysynda sheshimderdi kútip otyrmyz. Bul problema bizde ǵana emes, barsha álemde ózekti ekeni belgili. Atap aitqanda, densaýyq saqtaý bóliginde jaǵdai turaqtalyp, ońtaily úrdis baiqala bastaǵany qýantady», - dedi T. Bolysov.
Sonymen qatar ol qazirgi kezde halyqty bilim berý salasy alańdatyp turǵanyn jetkizdi.
«Osy oraida Prezident bul taqyrypqa bailanysty naqty tapsyrmalar beredi degen oidamyn. Qoǵam bul saladaǵy barsha másele baqylaýda turǵanyn estigisi keledi. Sondyqtan Qazaqstanda bilim berý salasynda ońtaily jobalar iske asyrylyp, jastar sapaly bilim alyp, ózderiniń áleýetin iske asyrady degen paiymdamyn», - dedi «Qazaqstan jastar kongresi» ZTB atqarýshy direktory.
Budan buryn habarlanǵandai, Memleket basshysynyń Qazaqstan halqyna arnaǵan jyl saiynǵy dástúrli Joldaýy 2020 jyldyń 1 qyrkúiek kúni ótetin Parlamenttiń kezekti sessiiasynyń ashylýynda jariialanady dep josparlanyp otyr.
.jpeg)