Onlain-formatta QR Syrtqy ister ministriniń orynbasary Almas Aidarov pen Ulybritaniianyń halyqaralyq saýda jónindegi memlekettik ministri Ranila Djaiavardenanyń teń tóraǵalyǵymen Saýda-ekonomikalyq, ǵylymi-tehnikalyq jáne mádeni yntymaqtastyq jónindegi Qazaqstan-Britan úkimetaralyq komissiiasynyń (ÚAK) jetinshi plenarlyq otyrysy ótti.
Jumys toptarynyń qatysýshylary, onyń ishinde Ulybritaniianyń biznes toptarynyń 20-dan astam ókili ÚAK ótken jylǵy qyzmetiniń nátijelerin zerdeledi. Sondai-aq ekijaqty kópjosparly yntymaqtastyqty odan ári damytýdyń negizgi baǵyttaryn belgiledi. Budan basqa energetika, qarjy jáne taý-ken sektorlaryndaǵy, sondai-aq COVID-19 pandemiiasy jaǵdaiynda densaýlyq saqtaý jáne bilim berý salasyndaǵy ózara is-qimyl perspektivalary talqylandy.
Almas Aidarov óz sózinde Qazaqstan tikelei sheteldik investitsiialardy ǵana emes, jańa tehnologiialardy da tartýǵa umtylatynyn atap ótti. Osyǵan bailanysty ol britaniialyq biznes ókilderin «Tsifrlyq Qazaqstan» baǵdarlamasyna belsendi túrde qatysýǵa shaqyrdy.
«Tsifrlandyrý, kólik, logistika, agrobiznes, óńdeý ónerkásibi, energetika jáne taý-ken ónerkásibi baǵytynda ekonomika jyldam ártaraptandyrylýda. Qazaqstan qol jetkizgen jetistikterimen toqtap qalmai, uzaq merzimdi turaqty damýdyń jańa maqsattaryn belgiledi. QR Prezidenti Qasym-Jomart Toqaev basqaratyn jáne EQDB burynǵy prezidenti Ser Sýma Chakrabarti keńes berýimen qolǵa alynǵan reformalar boiynsha joǵary keńestiń qurylýy bizdiń jarqyn bolashaǵymyzdyń jolyndaǵy taǵy bir mańyzdy qadam», - dep pikir bildirdi ol.
Óz kezeginde R.Djaiavardena Qazaqstannyń astanasy Nur-Sultannyń álemdik deńgeidegi kommertsiialyq habqa ainalý áleýeti týraly áńgimeledi. Osy maqsatqa jetý úshin qajetti taýarlardy, qyzmetterdi jáne qarjylandyrýdy, sonyń ishinde aldyńǵy qatarly sáýlet, tsifrlyq tehnologiialar, densaýlyq saqtaý, bilim berý, qarjylyq qyzmetter, sondai-aq jańartylatyn energiia kózderin usynýda britaniialyq biznestiń sheshýshi ról atqaratynyna senim bildirdi.
«Biz qarym-qatynasymyzdy nyǵaitýǵa jáne tereńdetýge tiispiz. Biz planetamyzdy transformatsiialaityn jańa tehnologiialardyń artyqshylyqtaryn paidalana otyryp, bolashaqtyń taza, neǵurlym ártaraptandyrylǵan jáne neǵurlym ornyqty ekonomikalaryn qurýǵa mindettimiz. Biz birlese otyryp, búkil álem boiynsha erkin saýda men halyqaralyq investitsiialardy ilgerilete alamyz», - dep atap ótti R.Djaiavardena.
ÚAK sheńberinde qarjy jáne qarjylyq qyzmetter, bilim berý, jer qoinaýyn paidalaný, energetika jáne densaýlyq saqtaý boiynsha bes jumys tobynyń otyrystary ótti.
Otyrysqa jáne ekijaqty kelissózderge qatysýshylar saýda-ekonomikalyq ózara is-qimyldyń negizgi aspektileri boiynsha bir mámilege kele otyryp, koronovirýstan keiingi daǵdarystyń kúrdeli jaǵdailarynda Qazaqstan-Britan strategiialyq áriptestigin odan ári keńeitýge degen ózara nietin rastady.
Is-sharanyń qorytyndysy boiynsha saýda-ekonomikalyq, ǵylymi-tehnikalyq jáne mádeni yntymaqtastyq jónindegi Qazaqstan-Britan úkimetaralyq komissiiasynyń jetinshi otyrysynyń hattamasyna qol qoiylyp, ekijaqty ózara is-qimyldy odan ári keńeitý jónindegi uzaqmerzimdi josparlar bekitildi.
