ونلاين-فورماتتا قر سىرتقى ٸستەر مينيسترٸنٸڭ ورىنباسارى الماس ايداروۆ پەن ۇلىبريتانييانىڭ حالىقارالىق ساۋدا جٶنٸندەگٸ مەملەكەتتٸك مينيسترٸ رانيلا دجاياۆاردەنانىڭ تەڭ تٶراعالىعىمەن ساۋدا-ەكونوميكالىق, عىلىمي-تەحنيكالىق جەنە مەدەني ىنتىماقتاستىق جٶنٸندەگٸ قازاقستان-بريتان ٷكٸمەتارالىق كوميسسيياسىنىڭ (ٷاك) جەتٸنشٸ پلەنارلىق وتىرىسى ٶتتٸ.
جۇمىس توپتارىنىڭ قاتىسۋشىلارى, ونىڭ ٸشٸندە ۇلىبريتانييانىڭ بيزنەس توپتارىنىڭ 20-دان استام ٶكٸلٸ ٷاك ٶتكەن جىلعى قىزمەتٸنٸڭ نەتيجەلەرٸن زەردەلەدٸ. سونداي-اق ەكٸجاقتى كٶپجوسپارلى ىنتىماقتاستىقتى ودان ەرٸ دامىتۋدىڭ نەگٸزگٸ باعىتتارىن بەلگٸلەدٸ. بۇدان باسقا ەنەرگەتيكا, قارجى جەنە تاۋ-كەن سەكتورلارىنداعى, سونداي-اق COVID-19 پاندەميياسى جاعدايىندا دەنساۋلىق ساقتاۋ جەنە بٸلٸم بەرۋ سالاسىنداعى ٶزارا ٸس-قيمىل پەرسپەكتيۆالارى تالقىلاندى.
الماس ايداروۆ ٶز سٶزٸندە قازاقستان تٸكەلەي شەتەلدٸك ينۆەستيتسييالاردى عانا ەمەس, جاڭا تەحنولوگييالاردى دا تارتۋعا ۇمتىلاتىنىن اتاپ ٶتتٸ. وسىعان بايلانىستى ول بريتانييالىق بيزنەس ٶكٸلدەرٸن «تسيفرلىق قازاقستان» باعدارلاماسىنا بەلسەندٸ تٷردە قاتىسۋعا شاقىردى.
«تسيفرلاندىرۋ, كٶلٸك, لوگيستيكا, اگروبيزنەس, ٶڭدەۋ ٶنەركەسٸبٸ, ەنەرگەتيكا جەنە تاۋ-كەن ٶنەركەسٸبٸ باعىتىندا ەكونوميكا جىلدام ەرتاراپتاندىرىلۋدا. قازاقستان قول جەتكٸزگەن جەتٸستٸكتەرٸمەن توقتاپ قالماي, ۇزاق مەرزٸمدٸ تۇراقتى دامۋدىڭ جاڭا ماقساتتارىن بەلگٸلەدٸ. قر پرەزيدەنتٸ قاسىم-جومارت توقاەۆ باسقاراتىن جەنە ەقدب بۇرىنعى پرەزيدەنتٸ سەر سۋما چاكرابارتي كەڭەس بەرۋٸمەن قولعا الىنعان رەفورمالار بويىنشا جوعارى كەڭەستٸڭ قۇرىلۋى بٸزدٸڭ جارقىن بولاشاعىمىزدىڭ جولىنداعى تاعى بٸر ماڭىزدى قادام», - دەپ پٸكٸر بٸلدٸردٸ ول.
ٶز كەزەگٸندە ر.دجاياۆاردەنا قازاقستاننىڭ استاناسى نۇر-سۇلتاننىڭ ەلەمدٸك دەڭگەيدەگٸ كوممەرتسييالىق حابقا اينالۋ ەلەۋەتٸ تۋرالى ەڭگٸمەلەدٸ. وسى ماقساتقا جەتۋ ٷشٸن قاجەتتٸ تاۋارلاردى, قىزمەتتەردٸ جەنە قارجىلاندىرۋدى, سونىڭ ٸشٸندە الدىڭعى قاتارلى سەۋلەت, تسيفرلىق تەحنولوگييالار, دەنساۋلىق ساقتاۋ, بٸلٸم بەرۋ, قارجىلىق قىزمەتتەر, سونداي-اق جاڭارتىلاتىن ەنەرگييا كٶزدەرٸن ۇسىنۋدا بريتانييالىق بيزنەستٸڭ شەشۋشٸ رٶل اتقاراتىنىنا سەنٸم بٸلدٸردٸ.
«بٸز قارىم-قاتىناسىمىزدى نىعايتۋعا جەنە تەرەڭدەتۋگە تيٸسپٸز. بٸز پلانەتامىزدى ترانسفورماتسييالايتىن جاڭا تەحنولوگييالاردىڭ ارتىقشىلىقتارىن پايدالانا وتىرىپ, بولاشاقتىڭ تازا, نەعۇرلىم ەرتاراپتاندىرىلعان جەنە نەعۇرلىم ورنىقتى ەكونوميكالارىن قۇرۋعا مٸندەتتٸمٸز. بٸز بٸرلەسە وتىرىپ, بٷكٸل ەلەم بويىنشا ەركٸن ساۋدا مەن حالىقارالىق ينۆەستيتسييالاردى ٸلگەرٸلەتە الامىز», - دەپ اتاپ ٶتتٸ ر.دجاياۆاردەنا.
ٷاك شەڭبەرٸندە قارجى جەنە قارجىلىق قىزمەتتەر, بٸلٸم بەرۋ, جەر قويناۋىن پايدالانۋ, ەنەرگەتيكا جەنە دەنساۋلىق ساقتاۋ بويىنشا بەس جۇمىس توبىنىڭ وتىرىستارى ٶتتٸ.
وتىرىسقا جەنە ەكٸجاقتى كەلٸسسٶزدەرگە قاتىسۋشىلار ساۋدا-ەكونوميكالىق ٶزارا ٸس-قيمىلدىڭ نەگٸزگٸ اسپەكتٸلەرٸ بويىنشا بٸر مەمٸلەگە كەلە وتىرىپ, كورونوۆيرۋستان كەيٸنگٸ داعدارىستىڭ كٷردەلٸ جاعدايلارىندا قازاقستان-بريتان ستراتەگييالىق ەرٸپتەستٸگٸن ودان ەرٸ كەڭەيتۋگە دەگەن ٶزارا نيەتٸن راستادى.
ٸس-شارانىڭ قورىتىندىسى بويىنشا ساۋدا-ەكونوميكالىق, عىلىمي-تەحنيكالىق جەنە مەدەني ىنتىماقتاستىق جٶنٸندەگٸ قازاقستان-بريتان ٷكٸمەتارالىق كوميسسيياسىنىڭ جەتٸنشٸ وتىرىسىنىڭ حاتتاماسىنا قول قويىلىپ, ەكٸجاقتى ٶزارا ٸس-قيمىلدى ودان ەرٸ كەڭەيتۋ جٶنٸندەگٸ ۇزاقمەرزٸمدٸ جوسپارلار بەكٸتٸلدٸ.
