Aqtaý qalasynda Qazaqstan Respýblikasynyń Parlamenti Senaty men Resei Federatsiiasy Federaldyq Jinalysy Federatsiia Keńesiniń Yntymaqtastyq jónindegi komissiiasynyń 13-shi otyrysy boldy. Otyrysqa Iran delegatsiiasy da qatysty.
Senat Tóraǵasynyń orynbasary Sergei Gromov sharany asha kelip, Kaspii teńiziniń quqyqtyq mártebesi týraly konventsiiaǵa qol qoiylǵan Kaspii mańy memleketteri basshylarynyń Aqtaý sammitiniń qorytyndylaryn Astana joǵary baǵalaitynyn atap ótti.
«Qazaqstan Prezidenti Nursultan Nazarbaev atap ótkendei, Konventsiia teńizdiń sýyn, túbin, qoinaýyn, tabiǵi resýrstary men áýe keńistigin qosa alǵanda osy sý aidynyna qatysty taraptardyń barlyq quqyqtary men mindettemeleri aiqyndalǵan jáne rettelgen «Kaspii teńiziniń konstitýtsiiasy». Bul qujat teńizdegi quqyqtar men egemendiktiń arajigin ajyratýǵa, qoinaýyn paidalaný, tranzit pen tasymaldaý quqyqtaryn júzege asyrýǵa, sý asty qubyrlary men jelilerdi júrgizýge, tariǵi orta men biologiialyq resýrstardy qorǵaýǵa bailanysty aýqymdy máselelerdi qamtidy» - dedi Gromov.
Senat Tóraǵasynyń orynbasary osynaý erekshe qujatqa qol qoiý jónindegi kelisimge kelýdegi Resei men Irannyń úlesin joǵary baǵalady.
«Bul bárimiz úshin zor jetistik dep sanaimyn. Búgingi otyrys bizdiń elderimiz basshylarynyń tilegin ómirge engizý», - dedi S.Gromov.
Ol Konventsiiaǵa qol qoiylýy osynaý erekshe sý aidynyna ekijaqty deńgeide de, kóptarapty sipatta da beibitshilik pen ózara tiimdi yntymaqtastyq aimaǵy mártebesin bekitýge múmkindik beretinin atap ótti.
«Endi Konventsiiany uzaqqa sozbai, bizdiń parlamentterimizdiń ratifikatsiialaǵany mańyzdy bolyp otyr. Biylǵy 6 qarashada Konventsiiany ratifikatsiialaý jónindegi qujattar toptamasy Qazaqstan Respýblikasynyń Úkimetinde qaralǵanyn habarlaimyn. Konventsiiany ratifikatsiialaý týraly zań jobasyn Úkimet taiaýda Parlament Májilisine beredi dep kútip otyrmyz», - dedi S.Gromov.
Resei Federatsiiasy Federaldyq Jinalysy Federatsiia Keńesi Agrarlyq-azyq-túlik saiasaty jáne tabiǵatty paidalaný komiteti tóraǵasynyń orynbasary Sergei Beloýsov pen Iran Islam Konsýltativtik Keńesi Tóraǵasynyń birinshi orynbasary Masýd Pezeshkian Konventsiiany ýaqytynda ratifikatsiialaýdyń mańyzy týraly aitty.
Otyrys barysynda eki eldiń senatorlary Biryńǵai ekonomikalyq keńistik aiasynda Mańǵystaý oblysy men Reseidiń Daǵystan Respýblikasyn mysal ete otyryp, shekaralyq aimaqtardy damytýdy, Kaspiidegi týrizm, ekologiia men bioresýrstardy qorǵaý salasyndaǵy yntymaqtastyqty damytý máselelerin talqylady.
S.Gromov pen Iran Islam Konsýltativtik Keńesi Tóraǵasynyń birinshi orynbasary Masýd Pezeshkiannyń kezdesýinde parlamentaralyq yntymaqtastyq jáne ekijaqty qatynastardy, onyń ishinde parlamentaralyq únqatysýlardy odan ári nyǵaitý máseleleri talqylandy.
Otyrysqa senatorlar Jeńis Nurǵaliev, Olga Perepechina, Mihail Bortnik, Ǵumar Dúisembaev jáne Baqtybai Shelpekov qatysty.
