Qazaqstan musylmandary dini basqarmasynyń tóraǵasy Naýryzbai qajy Taǵanuly Mysyr Arab Respýblikasyna jasaǵan resmi sapary barysynda Kairdegi Pátýa berý ortalyǵynda bolyp, Mysyr múftii Shaýqi Allammen kezdesti, dep habarlaidy "Ult aqparat".
QMDB baspasóz qyzmetiniń málimetinshe, taraptar musylman úmbetin alańdatqan birqatar máseleni, atap aitqanda ipotekamen úi alý, dini merekelerdi bekitý, óz elinde keń taraǵan mázhabty ustaný syndy jaǵdaiattardy talqylady. Múftiler osy baǵytta ortaq pátýa qabyldaýǵa ýaǵdalasty.
Qazaqstan jáne Mysyr múftii ekijaqty áriptestik jáne baýyrlastyq bailanysty arttyrý maqsatynda Qazaqstan musylmandary dini basqarmasy men Mysyr Arab Respýblikasynyń Pátýa berý ortalyǵy arasyndaǵy ǵylymi jáne dini yntymaqtastyq týraly kelisimge resmi túrde qol qoiyp, ózara qujat almasty.
«Atalǵan qujat eki tarapqa túrli dini aǵymdar men pikirlerdi saraptap, zertteý júrgizýdi, zertteý jumysynyń qorytyndy pátýasyn shyǵarýdy mindettteidi. Sondai-aq Mysyr tarapy Qazaqstannan jiberilgen imamdar men ǵalymdarǵa pátýa shyǵarýdy, pátýa berý ádisin úiretýdi óz mindetine alady», - delingen basqarma aqparatynda
Kelisimge sáikes taraptar oqý-aǵartý, kitap shyǵarý, biliktilikti kóterý, Islamǵa qatysty qate uǵymdarǵa der kezinde jaýap berý syndy birlesken jobalardy júzege asyrady. Ortaq maqsatty oryndaý úshin Bas múfti Naýryzbai qajy Taǵanulynyń tapsyrmasymen QMDB janynan jumys toby quryldy.
