Nursultan Nazarbaev iadrolyq qaýipsizdik jónindegi jahandyq sammit ótkizýdi qaita jandandyrýdy usyndy, dep habarlaidy QazAqparat.
«Iadrolyq qarýdy taratpaý týraly kelisim konferentsiiasy qarsańynda bul qujattyń (Iadrolyq qarýsyzdandyrý týraly kelisim - red.) negizgi qaǵidalaryn ámbebaptandyrý qajettigin oilastyrǵan jón. Kelisimnen shyǵý úshin halyqaralyq jaýapkershilik sharalaryn kúsheitip, BUU Qaýipsizdik Keńesiniń sáikes qararlarymen nyǵaitý qajet dep esepteimin. Iadrolyq qarýǵa tyiym salý kelisimi, Iadrolyq synaqqa tutas tyiym salý kelisiminiń tezirek kúshine enýine erekshe kóńil bólý kerek», - dedi Elbasy.
Osyǵan bailanysty, Nursultan Nazarbaev ár eki jyl saiyn iadrolyq qaýipsizdik boiynsha jahandyq sammit ótkizý tájiribesin jandandyrýdy usyndy.
«Osy oraida ár eki jyl saiyn iadrolyq qaýipsizdik boiynsha jahandyq sammit ótkizý tájiribesin qaita jandandyrýdy usynamyn. Qazaqstan mundai sammitterdiń birin óz astanasynda qabyldaýǵa daiyn. Oǵan iadrolyq poligonyn jaýyp, álemdegi tórtinshi zymyrandyq-iadrolyq áleýetten bas tartqan memleket retinde Qazaqstannyń álem aldynda moraldyq qaqy bar», - dedi Tuńǵysh Prezident.
