Ústel tennisinen Qazaqstan quramasynyń sportshysy Anastasiia Lavrova Olimpiada oiyndaryna joldama jeńip aldy, dep habarlaidy Olympic.kz saity.
Osy kúnderi Katar astanasy Dohada ústel tennisinen Olimpiada oiyndaryna irikteý týrniri ótip jatyr. Atalǵan básekede erler men áielder arasyndaǵy jarys jeńimpazdaryna Olimpiadaǵa joldama úlestiriledi.
Áielder arasynda jekelei saiystyń finalynda otandasymyz Anastasiia Lavrova baq synady. Ol aqtyq kezeńde ózbekstandyq Mýhabo Magdievany jeńdi. Ekeýara kezdesý 4:2 esebimen aiaqtalyp, oiyn Lavrovanyń enshisine sheshildi.
Aita keterligi, Anastasiia Lavrova #TeamKz qorjynyna Tokio Olimpiadasynyń 44-inshi joldamasyn saldy.
QR Ústel tennisi federatsiiasynyń prezidenti Daniiar Abýlgazin Anastasiia Lavrovany tórtjyldyq dodasyna litsenziia alýymen quttyqtady.
«Qurmetti Anastasiia, Qazaqstan ústel tennisi federatsiiasy atynan sizdi Tokio Olimpiadasyna litsenziia jeńip alýyńyzben quttyqtaimyn. Sizdiń Katardaǵy irikteý týrniriniń finalyndaǵy áserli jáne jigerli jeńisińiz - bul qazirdiń ózinde ózindik jetistik bolyp sanalady. Al osy sport túrinen Qazaqstan quramasynyń 2020 jylǵy Tokio Olimpiadasyna alǵashqy joldama otandyq sport súier qaýym úshin úlken qýanysh. Sizdi jeńisińizben shyn júrekten quttyqtaimyn jáne Olimpiada oiyndaryna jemisti jáne tabysty daiyndyq tileimin», - delingen jedelhatta.
