Qazaqstan úshin sapaly, jańa dáýir týyp keledi. Mundai usynysty elordada ótip jatqan Aziia elderi qalamgerleriniń tuńǵysh forýmynda qazaq aqyny Oljas Súleimenov bildirdi, dep habarlaidy QazAqparat.
«Biz jii kezdese bermeimiz. Osyǵan deiin 1973 jyly, 40 jyl buryn Almatyda júzdesken edik. Ol kezde Aziia men Afrika elderiniń konferentsiiasy ótti. Kúrdeli kezeń edi. Aziia men Afrika elderinde basqynshylyqqa qarsy protsester oryn alyp jatqan. Qazir biz áldeqashan táýelsizdikterin alyp, ony nyǵaitý jolyna túsken Aziia elderinen kelgen áriptesterimizben ǵana kezdesip otyrmyz. Bul kezdesý Qazaqstan úshin airyqsha ýaqytta ótip jatyr. Sapaly, jańa dáýir týyp keledi», - dedi ol.
Oljas Súleimenov oǵan elimizde oryn alyp jatqan protsester jarqyn dálel bola alatyndyǵyn basa aitty.
«Bul jaiynda qazirgi ýaqytta árbir otbasyda talqyǵa túsip jatqan Prezident Qasym-Jomart Toqaevtyń taiaýdaǵy Joldaýynda jan-jaqty aitylǵan. Ol aitqan reformalar júzege asýy qajet. Biraq, Qazaqstandaǵy qoǵamdyq-saiasi ómir de jańarýy kerek. Bul jaiynda, jańa ýaqyt jaiynda taiaýda ǵana Nursultan Nazarbaev tamasha aityp edi. Ol álemde kúshtilerdiń emes, aqyldy adamdardyń dáýiri týyp kele jatyr dep keremet aitty. Mundai jan-jaqty ári naqty paiymdy kópten beri estimegen edim», - dedi O.Súleimenov.
Onyń atap ótýinshe, ádebiet aqyldy adamdary tárbieleidi. Al aqyldy adamdar ekonomikany kóteredi.
