قازاقستان ٷشٸن ساپالى, جاڭا دەۋٸر تۋىپ كەلەدٸ. مۇنداي ۇسىنىستى ەلوردادا ٶتٸپ جاتقان ازييا ەلدەرٸ قالامگەرلەرٸنٸڭ تۇڭعىش فورۋمىندا قازاق اقىنى ولجاس سٷلەيمەنوۆ بٸلدٸردٸ, دەپ حابارلايدى قازاقپارات.
«بٸز جيٸ كەزدەسە بەرمەيمٸز. وسىعان دەيٸن 1973 جىلى, 40 جىل بۇرىن الماتىدا جٷزدەسكەن ەدٸك. ول كەزدە ازييا مەن افريكا ەلدەرٸنٸڭ كونفەرەنتسيياسى ٶتتٸ. كٷردەلٸ كەزەڭ ەدٸ. ازييا مەن افريكا ەلدەرٸندە باسقىنشىلىققا قارسى پروتسەستەر ورىن الىپ جاتقان. قازٸر بٸز ەلدەقاشان تەۋەلسٸزدٸكتەرٸن الىپ, ونى نىعايتۋ جولىنا تٷسكەن ازييا ەلدەرٸنەن كەلگەن ەرٸپتەستەرٸمٸزبەن عانا كەزدەسٸپ وتىرمىز. بۇل كەزدەسۋ قازاقستان ٷشٸن ايرىقشا ۋاقىتتا ٶتٸپ جاتىر. ساپالى, جاڭا دەۋٸر تۋىپ كەلەدٸ», - دەدٸ ول.
ولجاس سٷلەيمەنوۆ وعان ەلٸمٸزدە ورىن الىپ جاتقان پروتسەستەر جارقىن دەلەل بولا الاتىندىعىن باسا ايتتى.
«بۇل جايىندا قازٸرگٸ ۋاقىتتا ەربٸر وتباسىدا تالقىعا تٷسٸپ جاتقان پرەزيدەنت قاسىم-جومارت توقاەۆتىڭ تاياۋداعى جولداۋىندا جان-جاقتى ايتىلعان. ول ايتقان رەفورمالار جٷزەگە اسۋى قاجەت. بٸراق, قازاقستانداعى قوعامدىق-ساياسي ٶمٸر دە جاڭارۋى كەرەك. بۇل جايىندا, جاڭا ۋاقىت جايىندا تاياۋدا عانا نۇرسۇلتان نازارباەۆ تاماشا ايتىپ ەدٸ. ول ەلەمدە كٷشتٸلەردٸڭ ەمەس, اقىلدى ادامداردىڭ دەۋٸرٸ تۋىپ كەلە جاتىر دەپ كەرەمەت ايتتى. مۇنداي جان-جاقتى ەرٸ ناقتى پايىمدى كٶپتەن بەرٸ ەستٸمەگەن ەدٸم», - دەدٸ و.سٷلەيمەنوۆ.
ونىڭ اتاپ ٶتۋٸنشە, ەدەبيەت اقىلدى ادامدارى تەربيەلەيدٸ. ال اقىلدى ادامدار ەكونوميكانى كٶتەرەدٸ.
