Biyl Qazaqstan úshin syrtqy infliatsiialyq jaǵdai anaǵurlym kúrdeli bolady. Bul týraly Ulttyq bank Tóraǵasynyń orynbasary Vitalii Týtýshkin respýblikalyq biýdjetti talqylaý kezinde aitty, dep habarlaidy QazAqparat.
«Biyl jyl basynan beri geosaiasi jaǵdai ýshyqqan tusta álemdik qarjy, taýar naryqtaryndaǵy jaǵdai qubylmaly boldy. Týyndaǵan syn-qaterlerdiń saldarynan álemdik ekonomika kútkennen de baiaý damýda», - dedi Týtýshkin Májilistiń jalpy otyrysynda.
Onyń aitýynsha, halyqaralyq qarjy uiymdary álemdik ekonomikalyq ósimge qatysty boljamyn quldyraý baǵytyna qarai shamamen 1 paiyzdyq tarmaqqa qaita qarady.
«Taýar jetkizý problemalarynyń kúrdelenýi jahandyq infliatsiialyq jaǵdaidy nasharlatyp, álemdegi shikizat taýarlary men azyq-túlik baǵasynyń ósýine alyp keldi. Osyǵan bailanysty Halyqaralyq valiýta qory infliatsiia boljamyn qaita qarap, onyń aitarlyqtai joǵary deńgeii buryn boljaǵanǵa qaraǵanda uzaq ýaqyt saqtalady dep paiymdaidy», - dedi Ulttyq bank ókili.
