«Qazaqstan» RTRK» AQ basqarma tóraǵasy Erlan Qarin Golovkin - Alvares jekpe-jegi tikelei efirde kórsetiletinin aitty, dep habarlaidy "Ult aqparat".
«Sizdermen taǵy da bir jaqsy jańalyqpen bóliskimiz kelip otyr. Birneshe apta boiy júrgizilgen kelissózderdiń nátijesinde búgin túnde amerikandyq áriptesterimizben naqty kelisimge kelip, qazaqstandyqtardyń kópten kútip otyrǵan Genadii Golovkinniń kezekti jekpe-jegin «Qazaqstan» jáne «Qazsport» telearnalary arqyly tikelei transliatsiia jasaýǵa qol jetkizdik. Bul kelissózder uzaqqa sozyldy, degenmen de áriptesterimizben qalyptasqan jaqsy bailanystardyń nátijesinde kelissózder ýaqytyly aiaqtalyp, aldaǵy transliatsiianyń negizgi sharttary men tehnikalyq parametrleri eki jaqty qarastyrylyp sheshimin tapty», - dep jazdy Erlan Qarin Feisbýktegi paraqshasynda.
Aita keteiik, Gennadii Golovkin men Saýl Alvarestiń qarymta jekpe-jegi 15 qyrkúiekte AQSh-tyń Las-Vegas qalasynda ótedi. Ýaqyt aiyrmashylyǵyna bailanysty atalǵan boks keshi Qazaqstanda 16 qyrkúiekte tańerteń bastalady.
