14 naýryzda Almaty qalasynyń áýejaiynan Halyqaralyq gýmanitarlyq kómek máseleleri jónindegi komissiia otyrysynyń hattamasyn, sondai-aq Qazaqstan Respýblikasy Prezidentiniń tapsyrmasyn oryndaý úshin Densaýlyq saqtaý ministrligi Ýkrainaǵa gýmanitarlyq kómek jiberdi, dep habarlaidy "Ult aqparat" vedomstvonyń baspasóz qyzmetine silteme jasap.
Ýkraina azamattaryna gýmanitarlyq kómek 2022 jylǵy 14 jáne 15 naýryzda Almaty qalasynyń áýejaiynan eki reispen jiberiletin bolady.
QR Úkimeti janyndaǵy Halyqaralyq gýmanitarlyq kómek kórsetý máseleleri jónindegi komissiia Ýkraina halqyna meditsinalyq preparattar partiiasyn bólý týraly sheshim qabyldady.
Qazaqstan basqa memleket tarapynan resmi ótinishke jaýap retinde gýmanitarlyq kómek kórsetedi. Ýkraina tarapynan osyndai ótinish túsken soń Prezident Qasym-Jomart Toqaev ýkrain halqyna shuǵyl gýmanitarlyq kómek kórsetý jóninde naqty tapsyrma berdi.
Ýkraina aýmaǵyna júkterdi qaýipsiz jetkizý úshin Qazaqstan Úkimeti Ýkrainaǵa halyqaralyq gýmanitarlyq kómek alý jáne taratý úshin habtar ornalastyrylǵan kórshi memlekettermen kelisimge keldi.
«Osylaisha, QR Densaýlyq saqtaý ministrligi jáne QR Indýstriia jáne infraqurylymdyq damý ministrligimen birlesip, Almaty - Katovitse (Polsha) baǵyty boiynsha gýmanitarlyq júkti áýe kemesimen jetkizý máselesin qarastyrdy. Gýmanitarlyq kómektiń jalpy salmaǵy 28,2 tonnany quraidy, oǵan 17 dári-dármek kiredi: antibiotikter, qabynýǵa qarsy, jótelge qarsy jáne antigipertezivti preparattar», - delingen habarlamada.
