Qazaqstan Ýkrainaǵa aiyna 140 myń tonna kómir jetkizbek. Bul týraly QR IIDM Indýstriialyq damý jáne ónerkásiptik qaýipsizdik komitetiniń tóraǵasy Qanat Baiytov aitty, dep habarlaidy QazAqparat.
«Olqylyq boldy, buǵan deiin tolyq jetkize almadyq. Al qazir tolyq jetkizgimiz keledi. Premer-Ministr baryp, ýaǵdalasty. Jyldamdatatyn bolamyz. Qazir vagon bolsa bolǵany. Bul eń bastysy, tapsyrys beremiz. Kelissózder júrgizgen tamyz aiynda aiyna 80 myń tonna dep josparlaǵan edik. Ókinishke orai irkilis boldy. Endi qarqyndy kúsheitip, josparǵa jetý oiymyzda bar», - dedi komitet basshysy Úkimet úiinde ótken baspasóz máslihatynan keiin BAQ ókilderiniń saýalyna orai.
Onyń aitýynsha, qazaqstandyq kómir Ýkrainanyń Krivoi Rog qalasyndaǵy Arselor Mitall zaýytyna jetkiziledi.
«Biz olardy qamtamasyz etýimiz qajet. Endi kólemin ulǵaitqymyz kelip otyr. Jyl sońyna deiin 140 myń tonnadan jetkizetin bolamyz», - dedi Q.Baiytov.
