قازاقستان ۋكرايناعا ايىنا 140 مىڭ توننا كٶمٸر جەتكٸزبەك. بۇل تۋرالى قر ييدم يندۋسترييالىق دامۋ جەنە ٶنەركەسٸپتٸك قاۋٸپسٸزدٸك كوميتەتٸنٸڭ تٶراعاسى قانات بايىتوۆ ايتتى, دەپ حابارلايدى قازاقپارات.
«ولقىلىق بولدى, بۇعان دەيٸن تولىق جەتكٸزە المادىق. ال قازٸر تولىق جەتكٸزگٸمٸز كەلەدٸ. پرەمەر-مينيستر بارىپ, ۋاعدالاستى. جىلدامداتاتىن بولامىز. قازٸر ۆاگون بولسا بولعانى. بۇل ەڭ باستىسى, تاپسىرىس بەرەمٸز. كەلٸسسٶزدەر جٷرگٸزگەن تامىز ايىندا ايىنا 80 مىڭ توننا دەپ جوسپارلاعان ەدٸك. ٶكٸنٸشكە وراي ٸركٸلٸس بولدى. ەندٸ قارقىندى كٷشەيتٸپ, جوسپارعا جەتۋ ويىمىزدا بار», - دەدٸ كوميتەت باسشىسى ٷكٸمەت ٷيٸندە ٶتكەن باسپاسٶز مەسليحاتىنان كەيٸن باق ٶكٸلدەرٸنٸڭ ساۋالىنا وراي.
ونىڭ ايتۋىنشا, قازاقستاندىق كٶمٸر ۋكراينانىڭ كريۆوي روگ قالاسىنداعى ارسەلور ميتالل زاۋىتىنا جەتكٸزٸلەدٸ.
«بٸز ولاردى قامتاماسىز ەتۋٸمٸز قاجەت. ەندٸ كٶلەمٸن ۇلعايتقىمىز كەلٸپ وتىر. جىل سوڭىنا دەيٸن 140 مىڭ توننادان جەتكٸزەتٸن بولامىز», - دەدٸ ق.بايىتوۆ.
