Premer-ministr Álihan Smaiylov ónerkásiptik óndiris ielerine, onyń ishinde "ArselorMittal Temirtaý" kompaniiasyna qoiylatyn jańa talaptar týraly aitty, - dep habarlaidy Tengrinews.kz agenttigi.
Senattyń jalpy otyrysynda depýtat Sergei Ershov premer-ministr Álihan Smaiylovqa ónerkásiptik qaýipsizdik talaptaryn qatańdatý boiynsha naqty sharalar týraly suraq qoidy.
"Respýblikalyq biýdjet jobasynda ónerkásiptik kásiporyndardyń ónerkásiptik qaýipsizdigin qamtamasyz etýge baǵyttalǵan júieli sharalardy tappadyq, Memleket basshysy bul máselege erekshe nazar aýdaryp otyr. Al, ókinishke qarai, azamattarymyzdyń ólimine ákep soqqan kenishterdegi apattardan keiin "ArselorMittal Temirtaý" qaýipti óndiristik nysandardaǵy qaýipsizdikti qamtamasyz etý úshin shuǵyl túrde qatań sharalar qabyldaýdy talap etti. Jaǵdai túbegeili jaqsarmai jatqandyqtan, tiisti zań normalaryn qaita qaraityn ýaqyt jetken joq pa, bul qabyldanǵan sharalar jetkiliksiz bolyp otyr?", - dep surady senator.
Úkimet basshysy qazirgi ýaqytta ónerkásiptik qaýipsizdik salasyndaǵy zańnamany jetildirý úshin jańa standarttar ázirlenip jatqanyn atap ótti.
"Jalpy, qazir ónerkásiptik qaýipsizdik turǵysynan zańnamany jetildirý bóliginde jańa standarttar ázirlep jatyrmyz. Olar osyndai óndiris ieleri men basshylarynyń jaýapkershiligin arttyrýǵa baǵyttalǵan, memleket tarapynan baqylaý sharalaryn kúsheitýge, osyndai qaýipti óndiristerdi materialdyq-tehnikalyq qaita jaraqtandyrýdy qarjylandyrý kólemin osy kásiporyndardyń jiyntyq tabysynyń keminde 1 paiyzy mólsherinde zańmen bekitsin. Sondai-aq, jańa tehnologiialardy eskere otyryp, ónerkásiptik qaýipsizdik talaptaryn qaita qaraý, jańartý jáne ónerkásiptik qaýipsizdikke qatysty basqa da máseleler", - dedi Úkimet basshysy.
Sondai-aq, premer-ministrdiń aitýynsha, ákimshilik, qylmystyq jáne kásipkerlik kodeksterge jáne "Azamattyq qorǵaý týraly" zańǵa ózgerister engizý josparlanyp otyr. Qoldanystaǵy zańnama apattar men jaraqattardy azaitý úshin tehnikalyq qaita jaraqtandyrýdyń jyldyq jiyntyq josparyn qalyptastyrýdy kózdeidi. Biyl 2,5 myńnan asa tehnikalyq qurylǵylardy aýystyrý jáne 100-den asa óndiristik jelini jańǵyrtý josparlanǵan.
"Qaraǵandy oblysyndaǵy "ArselorMittal Temirtaý" kenishindegi apatqa keletin bolsaq, jaqynda osy kompaniianyń kómir óndirýge arnalǵan jer qoinaýyn paidalaný kelisimshartyn qaraý barysynda alǵash ret Qazaqstanǵa investitsiia bólý qajettiligine qatysty jyl saiyn keminde 150 milliard teńge kóleminde investitsiialar bólý, sondai-aq kómir qabattaryn gazsyzdandyrýǵa 37 milliard teńge bólý týraly qosymsha talaptar jazdyq. Buryn mundai mindettemeler bolmaǵan. Jer qoinaýyn paidalanýshynyń basqa da mindettemeleri. Biraq basqa jer qoinaýyn paidalanýshylarǵa qatysty da osyndai qosymsha talaptar men mindettemelerdi kúsheitýdi josparlap otyrmyz", - dedi Álihan Smaiylov.
3 qarashaǵa qaraǵan túni Qaraǵandy oblysyndaǵy "ArselorMittal Temirtaý" shahtalarynyń birinde tótenshe jaǵdai boldy. Gaz drenajdyq uńǵymalardy burǵylaý kezinde kenetten gaz shyǵyp, sonyń saldarynan tórt jumysshy qaza tapty. Tańerteń besinshi jumysshynyń denesi tabyldy.
