Egin jinaý jumystarynyń barysy, eksportty damytý jáne otandyq aýyl sharýashylyǵy taýarlaryn óndirýshilerdi qoldaý sharalary týraly QR Úkimetinde ótken baspasóz konferentsiiasynda QR aýyl sharýashylyǵy ministri Saparhan Omarov, «Azyq-túlik kelisimshart korporatsiiasy» UK» AQ basqarma tóraǵasy Rinat Aqberdin aityp berdi, dep habarlaidy "Ult aqparat".
QR AShM málimetterinshe, biyl 19 mln tonna astyq jinaý kózdelgen. Astyq sapasyna qarai onyń baǵasy bir tonnasy úshin 62 myń teńgeden 70 myń teńgege deiin barady.
Jalpy, kóktemgi egis jumystary men astyq jinaý jumystaryn qarjylandyrýǵa 60 mlrd teńge kóleminde biýdjettik nesie, 395 myń tonna arzandatylǵan janar-jaǵarmai bólingen, bul otyn baǵasy - naryqtaǵydan 15 teńgege arzan.
Búginde 3,1 mln ga aýmaqta aýyl sharýashylyǵy daqyldaryn óńdeýdi qoldaý úshin 2169 AÓK sýbektisi qarjylandyryldy.
S. Omarov atap ótkendei, «Azyq-túlik kelisimshart korporatsiiasy» AQ 1 mln tonnaǵa deiin astyq satyp alýdy josparlap otyr.
Óz kezeginde, «Azyq-túlik kelisimshart korporatsiiasy» UK» AQ basqarma tóraǵasy Rinat Aqberdin astyq eksporty boiynsha júrgizilip jatqan jumystar men otandyq aýyl sharýashylyǵy ónimderi ótkiziletin negizgi naryqtar týraly aityp berdi.
«Biyl eksporttyń negizgi aǵymy dástúrli naryqtarǵa baǵyttalady – bul Ortalyq Aziia elderi, Ázerbaijan, Aýǵanstan, Iran. Ótken jyly shamamen 7,5 mln tonna jetkizildi, bul jalpy eksporttyń 68% quraidy», — dedi R. Aqberdin. — Túrkiiaǵa, Grýziiaǵa, Italiiaǵa jáne Ispaniiaǵa jetkizý kólemi de artyp keledi».
Sonymen qatar, jyl saiyn Qytaiǵa qazaqstandyq astyq pen unnyń jetkizilimi artyp keledi. Eger 2016 jyly Qytaiǵa eksport kólemi shamamen 300 myń tonna bolsa, 2018 jyly — 600 myń tonna boldy. Buǵan qosa, búginde bidaidy 2020 jyly jetkizý týraly kelisimderge qol jetkizildi.
