Tumaý jáne tumaýǵa uqsas jiti respiratorly virýstyq infektsiialar jaǵdaiy turaqty. Byltyrmen salystyrǵanda 20% tómen. Bul týraly Qazaqstan Respýblikasynyń Bas memlekettik sanitariialyq dárigeri Jandarbek Bekshin aitty.
«Dúniejúzilik densaýlyq saqtaý uiymynyń usynysy boiynsha, halyqtyń 10%-yna tumaýǵa qarsy vaktsina egý kerek bolsa, Qazaqstanda turǵyndardyń 11%-y egildi. Vaktsina alty aidan asqan nárestelerge, dárigerlerge, júrek qan-tamyr sozylmaly aýrýlary bar, tynys joldary sozylmaly aýrýlary bar naýqastarǵa, Balalar úilerindegi balalar men Qarttar úiindegi qariialarǵa jáne júktiliktiń ekinshi, úshinshi kezeńindegi áielderge egildi. Biyl 2 125 000 turǵynǵa vaktsina egildi. Tumaý jáne tumaýǵa uqsas jiti respiratorly virýstyq infektsiialar jaǵdaiy turaqty. Byltyrmen salystyrǵanda 20% tómen», - deidi QR DSM Taýarlar men kórsetiletin qyzmetterdiń sapasy men qaýipsizdigin baqylaý komiteti tóraǵasynyń orynbasary Jandarbek Bekshin.
Ol tumaý jáne JRVI-ǵa shaldyqqandarǵa keńes aitty.
«Adam kóp júretin qoǵamdyq oryndar men jabyq nysandarda júrý - qaýipti. Immýnitetti kóterý úshin dárýmender iship, jemis-jidek jii jeý kerek. Sondai-aq, imbir men limon qosylǵan sý ishý paidaly», - deidi ol.
